Ikuna 'e Joseph Parker 'o Nu'usila hau 'o mamani (WBO) pauni mamafa ^Featured

Koe leta foki ‘eni ‘a e kautaha fuhu WBO pea koe fuofua tangata ‘eni mei Nu’usila moe Pasifiki kou a’u ki he tu’unga hau ‘i mamani ‘i he mala’e fuhu.

Ko e ikuna foki ‘eni ‘a Parker 'a  eleta ‘i ha fuhu takai 12 mo e hau lolotonga ‘i he pauni ko’eni ‘a e WBO koe tangata ‘Amelika konga Mexico ko Any Ruiz Jr..

Na’a mahino mei he fuhu ni ‘a e taukei ‘a Ruiz he na’a ne meimei ma’u ‘a e konga lahi ‘o e takai ‘e 6 ki mu’a ka na’e malava ‘e Parker kene muimui’i lelei ‘a e founga fuhu ‘a Ruiz pea hoko ai ‘ene ikuna ‘a e fuhu ni.

Na’e foaki ‘e he fakamaau ‘e 2 ‘a e ikuna kia Parker pea koe fakamaau ‘e taha na’a ne ‘oange ‘a e mahanga kiate kiate kinaua ‘a ia koe tu’u ‘a e poini na’e anga pehe ni - 114-114, 115-113 mo e 115-113.

Ko e fuhu’i foki ‘eni e he ongo tangata ni ki he ‘a e leta ‘o e WBO ‘i he pauni mamafa hili ia hano tukuange ‘e he tangata fuhu Pilitania ko Tyson Fury ‘a e leta ni ke ‘ataa ke fuhu’i.

Ko e fuhu ni na’e fakahoko ia ki Nu’usila pea na’e fakamalo ‘a Parker ki he kakai ‘o Nu’usila ki he’enau poupou kiate ia.