Taufale’i ‘e he ‘Ikale Tahi ‘a ‘Itali 19-17 Featured
Kapiteni 'a Tonga Siale Piutau 'i he'ene fakahoko 'a e tata'o he tuliki fuka.
27 Novema, 2016. Na’e hoko ‘a e ‘akatautea ‘i he faka’osi’osi ‘a e taimi ‘a e haafe ‘a Tonga Sonatane Takulua ke hamusi ai ‘e he ‘Ikale Tahi ‘a e ikuna ‘aki ‘a e kai koe 19-17.
Ko e va'inga foki 'eni na'e fakahoko 'i he 'i 'Itali 'i he ponguipongi 'o e 'aho ni 'a ia koe efiafi Tokonaki ia 'i he taimi 'a Iulope.
Na’e fakahoko ‘e Sonatane Takulua ha ‘akatautea ‘e 4 pea moe ‘aka fakahū ‘e 1 ‘i ha tata’o na’e fakahoko ‘ehe kapiteni moe senitā ‘a Tonga Siale Piutau ‘i he tuliki fuka.
Na’e fakahoko ‘e he timi ‘a ‘Itali ha tata’o ‘e 2 ka na’e ‘ikai tuku ai ‘a e feinga ‘a e ‘Ikale Tahi ‘o ta’ofi ai pe ‘a ‘Itali ‘o a’u ki he ‘osi ‘a e taimi.
Na’e ‘iai foki ‘a e ‘amanaki ‘a ‘Itali kiha ikuna hili ia ‘enau vevela’i ‘a e timi Springboks ‘a Saute ‘Afilika ‘aki ‘a e kai koe 20-18 he uike kuo ‘osi ka na'e fakafehalaaki'i lahi 'eni 'e he 'Ikale Tahi.
Koe lava kakato foki ia 'a e tua 'a e 'Ikale Tahi ki 'Iulope 'a ia na'e ikuna katoa 'enau ngaahi feinga tau pea koe faka'ilonga lelei mo fakafiefia foki 'eni.
1 comment
-
Fkmalo atu kihe Fanau Va'inga pea pehee kihe Faiako moe kau ofisa ale kotoa oe tour ki Iulope oe 2016. Malo e Va'inga malie mo Fkholomamata pea oku fiefia ae Tonga Kotoa he Kolope.he ikuna kafakafa juo mou fkhoko he pongipongi ni.
Tau Fkfeta'i pe kihe Eiki he me'a kotoa. Pea tau foaki pe ae Langilangi moe Kololia kiate ia he taimi kotoa pe. Malo moe ofa atu......