Ikuna ‘Ikale Tahi Sipeini 28-13 Featured
14 Novema, 2016. Kuo ikuna ‘e he Timi ‘Ikale Tahi ‘a e ‘enau fuofua va’inga ‘i he’enau ‘a’ahi ki ‘Iulope ‘aki ‘enau ikuna’i ‘a e timi ‘a Sipeini ‘aki ‘a e kai koe 28 ki he 13.
Na’e fakahoko ‘e he ‘Ikale ha tata’o ‘e ua ‘o fakahoko ia ‘e Dan Faleafa mo Fetu’u Vainikolo ‘o taki ai ‘a e ‘Ikale Tahi koe 14 ki he 3 he malōlō‘a e va’inga.
Na’e fakahoko foki ‘e he timi ‘a Sipeini ha tata’o moha ‘akatautea ‘i he tu’u hono ua ‘o ‘alu hake ai honau kai ki he 13 kae toe fakahoko ‘e he ‘Ikale Tahi ha tata’o fakaholomamata ‘e ua ‘e he haafe Sonatane Takulua mo e feesi Kali Hala ‘o ‘alu hake ai ‘a Tonga ‘o 28 ‘o a’u ai pe ki he ‘osi ‘a e tau ni.
Na'e fakahoko foki 'a e tau ni 'i he 'aho Tokonaki 12 pea koe kamata lelei 'eni ki he ngaahi feinga va'inga 'a e 'Ikale Tahi 'oku hanganaki mai mei mu'a.
1 comment
-
Malo kau Tangata e va'inga malie......pea malo hono hiki hake 'ae ma'aimoa va'inga ni, ke tau tulituli kihe tu'unga na'a tau 'anga maheni kiai he kuo hili, koe fkaoao he Pasifiki !!!!!
Talamonuuu atu kihe to'enga 'oe ng fepaki 'oku hanga mai......