Fakama’u ‘a ‘Isileli Folau mo e Sitā Netipolo Nu’usila ko Maria Tutaia ^Featured

23 ‘Okatopa 2016. Kuo talaki faka’ofisiale ‘o fakafou ‘i he Instagram ‘a e fakama’u ‘a e Sitā ‘a e timi ‘akapulu Wallabies ka koe talavou Tonga ko ‘Isileli Folau mo e Sitā Netipolo ‘a Nu’usila ka ko e fimemui Ha’amoa ko Maria Tutaia.

Ko e fakahā foki ‘eni ‘a e fakama’u ‘a e ongo sitā ‘iloa ko’eni he mala’e ‘o e netipolo mo e ‘akapulu ‘i he efiafi ‘o e ‘aho ni. ‘Oku mahino pe foki koe ongo sitā ni na’a na kamata kaume’a ‘i he mahina ko Fepueli ‘o e ta’u ni pea kuo a’u ‘eni kiha tu’unga kuo na faka’amu ke sila’i ai leva hona maheni.

Ko e ta’u 29 foki ‘eni ‘o Maria pea ‘oku ta’u 27 foki ‘a Folau pea ko Maria foki ‘oku ‘ikai sola ha taha kiai he mala’e ‘o e Netipolo pe ‘oku ne toutou fakafofonga’i ‘a e timi fakafonua ‘a Nu’usila Silver Fern.

‘Oku ‘ikai ke fai ha lau ia kia Folau he ‘oku ‘ikai toe fehu’ia ‘a e taleniti ‘o e matāpule ni ‘i he mala’e ‘akapulu pea ‘oku kau ia he kau tangata tu’ukimu’a ‘i mamani ‘i he tu’unga ‘oku va’inga ai ‘a ia koe le’okolo.

Fakatatau ki he fakamatala ‘a e ongoongo ‘a e Televīsone Nu’usila ‘oku ‘i ai ‘a e talanoa ‘oku sasala ‘e hiki ‘a Maria Tutaia ki ‘Aositelelia pea ngali fakapapau’i ‘e he fakama’u ko’eni ‘a e talanoa koia.