Malo Taina Halasima e lele Featured
Taina Halasima 'oku teunga kula 'i he leini fika 5
14 'Aokosi, 2016. Kuo lava atu ‘a e ‘iveni na’e kau atu kiai ‘a e finemui Tonga ko Taina Halasima ‘i he Sipoti ‘Olimipiki ‘i Rio.
Na’e fika ono foki ‘a Halasima he heat na’a ne kau atu kiai ‘aneafi 13 ‘o ‘Aokosi ‘i Rio pea neongo na’e ‘ikai ke kualifai ki he hook atu ka kuo fakahoko ‘e he finemui mei he Lolo ‘a hono fatongia ki he fonua ‘aki ‘a hono lelei taha.
Ko Taina Halasima mei he Matapa Fatungakoa mei Feletoa Vava'u pea ko 'ene tangata'eiki ko Maka Halasima.
Na’e sekoni ‘e 12:80 ‘a e taimi ‘a Halasima pea koe fonua ‘e 8 na’e kau ki he heat ko’eni ‘a ia koe heat ‘aki ia hono 2 ‘a e lele kualifai ki he takai ‘uluaki. Ko Halasima foki ‘oku ne kei ako ‘i he Ako Ma’olunga ‘o Vava’u.
'Oku 'i ai 'a e 'amanaki lelei ki he kaha'u 'o Halasima kae tautautefito ki he hanganaki ai 'a e sipoti 'a e Pasifiki 'a ia 'oku 'amanaki fakahoko mai ki Tonga ni 'i he 2019.
Na’e teunga kula foki ‘a e Ako Ma’olunga Vava’u 'i he ‘aho Falaite ko hono 12 ‘o ‘Aokosi ‘a ia ko e Falaite ia ‘o e uike ni ‘o kau kiai moe kau kolisi tutuku ko e poupou kia Halasima.
1 comment
-
Ofa atu Taina, ko e sitepu lelei ena kuo ke a'usia keke toe mateuteu ange 'i he kaha'u.