Fo'i 'a Nu'usila 'i Siapani Tautau Toko 7 'Olimipiki Featured
Japan's Kameli Soejima scores a try. Photo: AFP
10 'Aokosi, 2016. Ko e taha ia 'a e faka'ohovale lahi taha he hisitolia 'o e mala'e 'akapulu tautau toko 7 ko e 'ulungia 'a e hau 'o mamani 'i he mala'e ni 'a Nu'usila 'i Siapani.
Ko e fetaulaki foki 'eni 'a e ongo fonua ni 'i he kamata pe 'o e fetau'aki faka-pool 'i he sipoti 'Olimipiki 'i Rio pea ikuna ai 'e Siapani 'a Nu'usila 'aki 'a e kai ko e 14 ki he 12.
'Oku kau foki 'a Nu'usila, Siapani, Pilitania mo Kenya ki he pool C pea na'e ikuna 'e Pilitania 'a Kenya ko e kai 31 ki he 7.
'I he taimi tatau kuo hoko e lavea ki he sitaa 'a Nu'usila Sonny Bill Williams 'o mahino he'ikai lava ke toe va'inga 'i he fe'auhi ni.
'Oku kei 'ai pe 'a e 'amanaki ki he timi 'a Nu'usila.
