Ikuna ‘e Nailini Helu ‘ene fuhu polofesinale hono ua Featured
Nailini Helu
Kuo ikuna ‘ehe finemui Tonga ka ‘oku nofo Nu’usila ko Nailini Helu ‘ene fuhu polofesinale hono ua ‘aki ‘ene malohi poini ‘i he loto kotoa kiai ‘a e kau fakamaau ‘i he Tokonaki kuo ‘osi ‘i Nu’usila pe.
Ko e ikuna ko’eni ‘a Nailini ‘i he’ene fuhu mo Sarah Long pea kuo ne hoko ai ko e tu’ukimu’a taha ia kene pole’i ‘a e hau ‘o Nu’usila ‘i he pauni mamafa.
Ko e ta’u 22 pe ‘eni ‘o Nailini pea koia ‘oku fika 10 ‘i he fakahokohoko ‘a e kautaha fuhu fakamamani lahi ko e Universal Boxing Federation (UBF). Na’e fuofua ikuna foki ‘e Nalini ‘ene ‘uluaki fuhu ‘i ‘Epeleli ‘aki ‘ene ikuna ‘ia Kirsty Lupeamanu 'i Nu'usila pe.
Ko Nailini ‘oku ‘i ai ‘ene visone kene fuhu’i ‘a e hau ‘o e pauni mamafa ‘i he kaha’u vave mai.
