Poate Fo’ou ‘a e Komiti Sipoti ‘Amatua & ‘Olimipiki Fakafonua ‘a Tonga (TASANOC) Featured
Lord Tupou ko e Palesiteni Fo'ou 'a e TASANOC
Nuku’alofa, 18 Sune 2016. Na’ e fakahoko ‘i he efiafi Tu’apulelulu 16 ‘o Sune ‘a hono fili ‘o e kau ma’u lakanga ki he Komiti Sipoti ‘Amataua mo ‘Olimipiki Fakafonua ‘a Tonga (Tonga Amateur Sports Association & National Olympic Committee's [TASANOC]).
Na’e kau ki he fakataha fili lakanga ko’eni ‘a e ‘a e kau memipa ‘e toko 25 ki he fakataha lahi ‘ a e TASANOC (TASANOC 2016 Extraordinary General Assembly) pea ko kinautolu na’a nau fakahoko ‘a e fili ko’eni.
Na’e fili ‘a e Lord Tupou kene hoko ko e Palesiteni fo’ou ia pea tokoni kiai ‘a Lord Sevele ka ‘i he tafa’aki ki he Pa’anga.
Ko e kau memipa kehe ‘e toko 5 ki he poate ni ko‘Amanaki Fakakovikaetau, Michael Bloomfield, Lord Vaea, Viola Ulakai pea mo Sione Taumoepeau.
Na’e kau mai foki ki he fakataha fili lakanga ni ‘a e Palesiteni ‘o e Kosilio Sipoti ‘a e Pasifiki (Pacific Games Council) Vidhiya Lakhan ‘a ia na’e fili mai ia ‘e he Komiti ‘Olimipiki ‘a Mamani mo ‘Osenia (International Olympic Committee (IOC) and Oceania National Olympic Committee) kene fakafofonga’i kinutolu.
 "Pin It")
3 comments
-
Ko Lady Luse foki ia fieilo oku ne pehee eia ko haano faetagata hotau telinga kene fakamatala pe ha faahiga ogoogo e kau lelei pe ia kiai mo hono tugaane ko akilisi osi koia oku taufua e LOI. Koetau fie fnogo letio ki hono lipooti mai oe ongoogo ikai koene view fakafoituitui moe fkpiko.
Pea oku iai hoo mooni au Mokofisi fekauaki mo Lord Tupou. Ka koe Komiti kuo toe mei order a Akilisi ke fili foou he oku lahilahi kau memipa oku fehia kiai hhhh -
'IKAI NA'E KAU 'A LORD TUPOU 'I HONO FAKA-MOLEKI E LAUI $MILIONA MEI HE FAKATAU PAASIPOOTI 'A TUPOU IV?
Koehā 'oku kei faka-'aongai ai 'a e kau taki kuo nau fakamoleki ha koloa 'a e fonuá? Fiema'u ke fakamatala mai 'e ha taha ki he fie'iló ni.
Neongo na'e hoko e fakatu'utāmaki lahi 'i he ngoto 'a e vaka 'Asika 'i he taki 'a Dr. Sevelê, ka na'a ne fai e me'a totonu 'i he vavetahá ke totongi fakafoki ki he fāmili 'o e kakai na'e mole 'enau mo'uí, pea na'e fakalao. -
Nau fanongo kihe news 'a e FM 87.5 he pongipongi Falaite, ki he pehee 'e Lady Luse kuo 'osi fili e Poate fo'ou 'o e TASANOC. Nau pehe tene lau mai honau hingoa, ka na'e 'ikai. Nau fanongo tonu ki he'ene kamata pehee mai "koe Poate ni 'oku fakalanga..." (mahalo koe fakalanga lea) pea motu ai e fo'i ongoongo ia, kae hoko atu ia ki he news kehe. Kou toki sio ni hifo ki he hingoa e Poate fo'ou ta 'oku kau ai 'a Lord Sevele mo Viola peau pehe, tane'ine'i ke 'ikai fie pu'aki mai 'e Lady e hingoa 'o e Poate fo'ou, mahalo koe kau ai 'a Sevele mo Viola. Kapau koe 'uhinga ia 'a Lady, pea 'oku 'Ikai fakapolofesinale ia. Kaikehe, talamonu atu ka Sevele mo Viola, Sea moe toenga e Poate TASANOC, fakatauange kuo toka malie ai e vaa 'o e PM mo Sevele, katau hanga atu aa kimu'a moha loto 'oku lelei mo fiengaue fakataha.