Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

'E mole nai faingamālie Tonga ki he Sipoti Pasifiki 2019? Featured

Palesiteni Kosilio ‘a e Sipoti Pasifiki Tonga Vidhya Lakhan mo Lord Sevele, Sea Komiti Fokotu'utu'u Sipoti 'a Tonga Palesiteni Kosilio ‘a e Sipoti Pasifiki Tonga Vidhya Lakhan mo Lord Sevele, Sea Komiti Fokotu'utu'u Sipoti 'a Tonga

Nuku’alofa, 7 Mē 2016. ‘Oku tu’u veiveiua hotau faingamalie ke fakahoko mai ‘a e Sipoti Pasifiki 2019 ki Tonga ni makatu’unga 'i he ngaahi tu’utu’uni kuo fakahoko mei he Pule’anga.

Kuo a’utaki atu foki ‘a e tohi mei he ‘Ofisi ‘o e Palēmia ke fakamalōlō’i ‘a Lord Sevele ‘a ia ko e CEO mo e Sea ia ‘o e Komiti fokotu’utu’u ki he Sipoti 'a e Pasifiki 2019 ‘i he tafa’aki ‘a Tonga ni.

Ko e fokotu’u foki ko’eni mei he Pule’anga ka ‘oku ‘ikai ke poupou kiai ‘a e Kosilio ‘a e Sipoti Pasifiki Tonga pea makatu’unga mei ai ha’anau fakatokanga mamafa mai ki Tonga ni. Na’e toe fokotu’u mai foki mei he Palesiteni Kosilio ‘a e Sipoti Pasifiki Tonga Vidhya Lakhan ke muimui ‘a Tonga ni ki he founga ngāue kuo 'osi fai hono alepau'i mo faka’apa’apa’i ‘a e ngaahi tu’utu’uni ngāue ki he Sipoti 2019 mo e lao foki.

Kapau leva ‘e ‘ikai hoko ‘eni pea ‘e fakahoko leva ‘e he Kosilio ha ngāue ki hono sivi’i ‘a e tu’unga taau ‘oku ‘i ai ‘a Tonga ni mo e aleapau ki hono fakahoko mai ‘a e Sipoti 2019 pea kau kiai mo hono ngāue ‘aki ‘a e kupu ki hono tamate’i pe fakata’e’aonga’i ‘a hono teu fakahoko mai ‘a e Sipoti ki Tonga ni 'a ia 'oku ha he aleapau kuo 'osi fakamo'oni'i.

Ko e tohi fokotu’u ke fakamalōlō’i ‘a Lord Sevele na’e ‘omai fakahangatonu ia mei he ‘Ofisi ‘o e Palēmia ‘i he ‘aho 28 ‘o ‘Epeleli pea na’e fakahoko mai ia mei he Sekelitali Pule & Sekelitali Pule Ki he Kapineti ka na’e ‘ikai ke fakamo’oni ki heni ‘a e Palēmia.

‘Oku ‘i ai foki ‘a e fakamatala kuo ‘ohake ‘i he ngaahi mītia ‘oku ‘amanaki ke fakamalōlō’i ko’eni ‘a Lord Sevele kae hū hake ‘a ‘Ahongalu Fusimalohi ‘o fetongi pehe ki he Solisitoa Seniale Sione Sisifā ke kau hake moia ki he kōmiti fokotu’utu’u. Ko e tohi foki ko’eni mei he Ma’u Mafai ki he ‘Atita mo e Mafai Pule (Audit and Governance Authority AGA) ‘i he malumalu ‘o e Sea ‘o e Ma’u Mafai ‘a ia ko e Palēmia Samuela ‘Akilisi Pohiva.

 ‘Oku fehu’ia lahi foki ‘a e ngaahi nga’unu ko’eni ‘a e Pule’anga he ‘oku mahino pe foki ‘oku ‘ikai ha mafai ‘o e Kapineti ke tuku ki tu’a ‘a Lord Sevele ‘o fakatatau ki he tu’utu’uni ‘a e Lao mo e aleapau na’e fokotu’u’aki ‘a Lord Sevele ki he Lakanga ni.

'Oku 'ikai ngata heni 'oku toe fehu'ia foki mo e tu'unga falala'aanga 'o e tokotaha 'oku 'amanaki kene fetongi 'a Lord Sevele tukukehe ange 'a e ho'ata mai 'a e feliuliuaki 'o e ngaahi tu'utu'uni 'a e Pule'anga 'a ia 'oku mahino ki Tonga ni mo e Pasifiki mo Mamani  'oku 'ikai koha faka'ilonga lelei 'eni.

‘I he taimi tatau foki ‘oku vave pe foki ‘a e ‘alu ‘a e taimi pea ‘oku hoko ‘a e ngaahi fehulunaki ko’eni ke fakalotosi’i pea ‘ikai ngata ai ka ‘oku toe fehu’ia mei he Kosilio Pule ‘o e Sipoti ‘a e tu’unga malava ‘a Tonga ke hoko atu ‘a e teuteu ki he Sipoti. ‘Oku hoko foki ‘eni ‘oku lolotonga folau ‘a e Palēmia ki Tu’apule’anga pea ‘oku toe fehu’ia pe foki ‘a e tu’unga ‘o e fa’ahinga tu’utu’uni pehe ni.

2 comments

  • Latu Fili
    Latu Fili Saturday, 07 May 2016 21:36 Comment Link

    Kou fakaamu mai eau nae loto taha e kakai koeni ku tuli e Akilisi ki api kenau fiemalie o foki fiemalie ki api. Tuku atu e meakotoa kiai kiaikene fakalele pea koe tuuna ai pe ia a e angahala o pupula ikai toe lava faitoo pea koene pa pe o pa kovi pea koene emeni ia.

    Report
  • haapaiveu
    haapaiveu Saturday, 07 May 2016 17:07 Comment Link

    'A ia ku tatau pe eni mo e tu'utu'u ni ku lolotonga valau ai e kau neesi he fokotu'u hangatonu mai pe o Talosia Vakata hoa 'o e Minisita ko Fe'ao ke hoko ki he post ko e SENIOR SISTER.

    'Oku hanu e kau neesi ta koee ku lava pe ia 'o 'oange pe post ma'olunga ta'ela'ipepa.

    'Ikai ngata ai koe post ko eni ne 'ikai toe tu'uaki ia malie ko e pule'anga 'o Palemia Mio'i hhhhh

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top