“ 'Oua mu'a 'e taku kuo 'osi e 'amanaki he neongo kuo fai tu'utu'uni e Kapineti moe Fale Alea ka koe Fakamaau'anga 'ena moe Lao 'oku kei tu'u moe lau.
Talaki 'ehe fa'ahinga he uepisaiti ni tokua koe konituleki 'a Tonga moe Komiti Sipoti Pasifiki 'oku sipela mata'a'aa ai 'ae kei totongi pe 'e Tonga 'ae fakamole 'oe sipoti neongo he'ikai fai e sipoti ia 'i Tonga ni.
Koia, ki he kau poupou ke kei fai pe 'ae Sipoti 'i Tonga hangee ko Nopele Vaea mo Feleti Sevele mo honau kau poupou, koe ha e 'uhinga kuo mou kei 'aka'aka maka ai he tafa'aki? Fai mo faka'ilo 'ae Pule'anga kae tu'utu'uni e fakamaau fakatatau ki he konituleki kuo talaki pea mahalo a 'e toe loto pe Pule'anga ke fakahoko e Sipoti. He koe fakamole 'e kei fakahoko pe.
Tangata poto foki 'a Sevele, he koe toketa foki, 'Osi lau 'e ia e konitulieki pe 'oku nonga pe ia he 'e kei totongi pe ia tatau pe ia pe 'e fai e sipoti 'i Tonga. Malie e. 'Oku 'ikai foki ko ha fo'ui ia 'o Sevele (pe ko honau kau poupou) 'ae 'ikai fakahoko e Sipoti ka 'okapau 'oku nau tala holo 'oku deserve 'e he kakai moe fonua ke fakahoko e Sipoti tokua ko ha ngaahi lelei pea 'oku totonu ke nau 'ave 'ae me'a ni ki he fakamaau.
Tuku kehe ange foki kapau ko ha fasitu'u pe 'ae pehee 'oku sipela mata'a'aa 'e konituleki 'ae kei totongi pe fakamole 'e Tonga tatau ai pe pe 'e fakahoko e sipoti. Malie eh.
Hausia ”