“ Na'e 'osi 'iai e palani moe fokotu'utu'u 'ae komiti 'a 'Ungatea Kata ke fengaue'aki e Tonga Netball moe Komiti Netball 'ae kau Tonga 'i Auckland, pea ke 'omai ha fanau mei ai ke tokoni ki hono ako'i mo hono langa hake e sipoti ni 'i Tonga. Na'e 'osi kamata ke fai e talanoa moe kau netiball Tonga 'i NZ. Pea fetongi ko eni komiti 'o hu mai a Toa Fakakovikaetau mo Salote Sisifa pea 'ikai 'ilo pe na'e anga fefe e toe holomui 'ae kau NZ. Pea koena 'oku mo'ua pe kinautolu ua ia he folau takai holo he ngaahi fakataha kae 'ikai fai ha me'a ke fakalakalaka e sipoti. Na'a nau netball koaa ''i fe, ke tu'u atu ia koe mataotao fakavaha'apule'anga he netipolo? Kuo tuku e fa'ahinga ia na'e talu 'enau pusiaki'i mo mateaki'i mai e netipolo he ngaahi ta'u lahi, hange ko Bernice, Menitela mo hai fua, ka hu atu fa'ahinga ia na'e 'ikai 'ilo pe na'a nau 'i fe. Kole atu kihe TASA moe Poate Netipolo ke toe fai ha sio ki he Komiti pe 'oku totonu ke nau hoko atu, pe kuo taimi ke fetongi atu a 'eha fa'ahinga te nau lava 'o 'omai e kau Tonga mei NZ mo Aust ke fakaake e va'inga ni, he 'oku ma'u e tamaiki taleniti'ia 'i Tonga ni ka koe 'ikai ke 'iai ha kau faiako mo pa'anga ke fai'aki honau ako'i.
Malo moe 'amanaki 'e fai ha me'a ki he netipolo he vave taha., ”