“ Na'e sai 'aupito pe hono fakaafe'i mai e sipoti ia ki Tonga ni, he koe anga ia e fakalakalaka, koe 'unu ki mu'a ke 'omai e ngaahi me'a na'e 'ikai malava he kuohili ke 'inasi ai e kakai moe to'utupu kaha'u e fonua. Ko hono 'omai e sipoti ki Tonga ni koe sitepu mahu'inga ia he fakalakalaka e sipoti he fonua ko eni. Pea 'oku 'ikai ke 'iai hano kovi 'ona 'oe no pa'anga ki he ngaahi fakalakalaka pehe ni he koe me'a ia 'oku fai 'e mamani kotoa. Koe ngaahi fonua lalahi ena mo tu'umalie, kau ai a 'Amelika, Pilitania, Falanise etc., 'oku nau kei no pe mei he ngaahi pangike fakamamani lahi ke fai'aki 'enau ngaahi ngaue langa fakalakalaka. Koe reality ia 'oe mamani koeni, koe feno'aki moe fetokoni'aki. Koe palopalema ia koe 'ikai palani lelei moe lahi hono toe liliu e ngaahi palani na'e 'osi fakatoka. Na'e kau heni e palani ke langa fo'ou tokoni 'a Siapani e ngaahi faleako, falemohe, mala'e sipoti, ngaahi fale fakamalohisino etc. ma'ae Kolisi Tonga, 'a ia na'e kau e langa ko eni he palani 'ae pule'anga ke ngaue'aki e ngaahi naunau ko eni ki he sipoti Pasifiki. Na'e 'osi fika 'uluaki e project ko eni kihe tokoni 'a Siapani ke hoko atu he 'osi e langa falemahaki Vaiola. Me'apango he na'e 'ikai loto a Lisiate 'Akolo ia kihe langa ko eni he ko ia na'e lolotonga Minisita Pa'anga he taimi ko ia, pea ne fulihi 'e ia e ngaahi priorities 'ae pule'anga 'o to ai e palani ki he Kolisi Tonga pea 'ikai lava 'o fakahoko, ka mahalo na'e fetongi'aki ia e langa uafu ko ena 'oku teu fai. Kapau na'e hoko e palani ko eni na'e 'ikai fai e ngaahi kole pa'anga ko eni ki Siaina. Koe loto faikehe moe ta'emaau 'ae minisita pa'anga 'oe 'aho ko ia na'e tupu mei ai e fehalaaki e palani 'ae komiti sipoti.
'Oku sai pe sipoti ia, pea sai pe moe no ia mei Siaina, koe me'a 'oku fai ki ai e talanoa koe 'ikai lava 'ehe PM ko eni 'o feinga'i ha pa'anga meiha source kehe, kae toe lele pe ki Siaina na'e nofo 'o taufehi'a ki ai mo fakaanga'i e kakai na'e ngaue fakataha moe kau Siaina. Ko fe hono poto 'oku 'ikai ai kene lava 'o kumi ha'ane pa'anga ke fai'aki e ngaue 'ae pule'anga, kae heka atu ia he kaupeau 'oe kakai na'a nau ngaue mateaki kimu'a atu. ”