Hoko atu Faifekau Dr. ‘Ahio Lakanga Palesiteni Siasi Uēsiliana Tau’ataina Tonga Featured
28 Sune, 2017. Kuo lava lelei hono fakahoko ‘a e fili Palesiteni ‘a e Konifelenisi hono 94 ‘a e Siasi Uēsiliana Tau’ataina ‘o Tonga ‘i he Lolo ‘ Halaevalu ‘i Vava’u.
Ko e fili foki ko’eni ko e ‘uluaki fatongia ia ‘o e Konisfelenisi Kakato pea na’e fakahoko ia he ho’atā ‘o e ‘aho ni.
Na’e loto ‘a e tokolahi taha ‘o e kau pāloti ‘o e Konifelenisi Kakato ke toe fili pe ‘a Faifekau Dr. ‘Ahio kene hoko atu hono tataki ‘o e vaka ‘o e Siasi ‘i he lakanga Palesiteni ki he ta’u 2017-2018.
Ko e ola leva ‘eni ‘o e Fili Palesiteni ‘oku hā atu ‘i lalo –
‘Eiki Palesiteni Faifekau Dr 'Ahio - 309
Faifekau Dr. Tevita Koloa'ia Havea -25
Faifekau 'Alifeleti 'Atiola -3
Faifekau Falematapule Lomu - 1
‘Oku hoko atu pe foki mo Faifekau Dr. Tevita Koloa'ia Havea ‘i he lakanga Sekelitali Lahi ‘a e Siasi.
‘Oku ‘amanaki ke Huufi ‘a e Konifelenisi ‘e He’ene ‘Afio Tupou VI ‘i he ‘aho ‘apongipongi Tu’apulelulu 29 Sune 2017.
