Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Toe Fili Semisi Fonua ke Palesiteni Konifelenisi Siasi Tonga Tau'atāina Featured

Falelotu Siasi Tonga Tau'atāina Falelotu Siasi Tonga Tau'atāina

Nuku'alofa, 24 Me 2016. Kuo toe fili pe 'e he Konifelenisi hono 131 'a e Siasi Tonga Tau'atāina 'i he 'aho Tokonaki ko hono 22 Mē 'a Faifekau Semisi Fonua kene kei hokohoko atu hono tataki 'o e kaingalotu ni 'i he lakanga faka-Palesiteni.

Ko e ta'u 'aki 'eni 'e 32 'a e to'ofohe mai 'a e Faifekau Semisi Fonua he lakanga ni. Na'e toe fili pe foki mo Faifekau Simote Sikuvea kene hoko ko e Sekelitali Lahi 'a e Siasi mo e  Konifelenisi 'a ia koe ta'u 'aki 'eni 'e 16 'ene 'i he fatongia ni.

Ko e ongo lakanga foki ko'eni 'oku fili faka-ta'u 'i he taimi 'oku fakahoko faka-ta'u ai 'a e Konifelenisi. Ko e ta'u mahu'inga foki 'eni pea ko e Konifelenisi ko'eni 'oku 'amanaki ke Hilifakinima ai ha kau Faifekau 'e toko uangeau tupu.

7 comments

  • Latu Fili
    Latu Fili Monday, 30 May 2016 10:50 Comment Link

    Ko e ngaahi 'aho ni ke tau lahilahi mamafa pe ki he fakalaumalie he kuo kehe 'a e kuonga ia. Ko e inu kava malohi ia 'a e kau Faifekau 'oku mei tofuhia ai e Siasi kotoa ia ka ko e faitu'utu'u ni ki he ngaahi me'a koia 'oku matavaivai 'i he ngaahi Siasi lahi tukukehe ange 'a e Mamonga 'oku tu'usi ia mei he Siasi ke 'oua toe memipa, pea ko e Siasi Tonga Hou'eiki 'oku fekau ia ke mavahe mei he'ene ki'i potu Siasi 'o foki ki 'api 'o konaa ke fiu he ko 'ene 'alu ki he Siasi ke feinga'i e laumalie 'o e Siasi. Pea kapau te tau foki pe kitautolu ki he folofola, ko e uaine 'oku 'asi ko e inu ia hange ha faito'o 'ikai ko ha inu ia kete fai 'aki hato loto pe fakava'e 'aki ha'ate faiangahala. Tala e Paula ki Tesalonaika, KE MOU LOTU TA'ETUKU. Himi 'a e Siasi ko e Lotu fai ma'u pe 'oua na'a vaivai, HALA KETAU MA'U HA PEHEE MAI KE INUTA'ETUKU ... Taimi ketau foki pe ki he Folofola ketau hao mei heli

    Report
  • Vili
    Vili Saturday, 28 May 2016 19:20 Comment Link

    Ta koe ki'i loki 'eni 'oku fakalaumalie-taha 'enau poolave! Ngali faka'enekete 'a ho'o mou fakahua ka 'oku mou mo'oni. Vakai na'ake fakakatavale Vaka!

    Report
  • Vaka
    Vaka Friday, 27 May 2016 22:35 Comment Link

    Ko homau Siasi foki ko'eni, ko e Siasi 'oku mamalu 'aupito 'enau kei tauhi e taufatungamotu'a 'o e lotu pea 'oku kei malohi 'aupito. 'Oku 'ikai lava ke toe ue'ia ha toe polokalama, 'oku kei tatau pe 'aneafi pea mo e 'aho ni. Ko e me'a fo'ou pe 'e taha 'oku ou fakatokanga'i 'oku 'asi he Siasi koeni 'a e me'a ko e konaalaiki 'a e kau Faifekau. Mou sio ki he 'osi pe 'a e Konifelenisi kotoa, ko e fai e fu'u ball pea nau toki fe'auhi konaa pea ko e 'aho 'e taha kuo hange talanoa'i e ngaahi me'a ne hoko 'i he ball ha pulumofele. Ko e konaa inu kava maalohi 'oku meimei inasi ai e feitu'u kotoa pe 'oku tu'u ai e Siasi pea kou sio atu leva ki he fu'u piki 'a e to'onga ki mamaani pea kuo mo'oni e lau a Paula, he'ikai ke fe'ao fakataha 'a e maama ia mo e po'uli, ka 'oku ke lotu pea ke 'eve'eva 'i he laumalie. Teu ngata hee na'a faifai kou tukuange atu ha 'u hingoa 'i he fakainuinu mo fai 'o e lotu katau 'auha.

    Report
  • Tukia Sikulu
    Tukia Sikulu Wednesday, 25 May 2016 14:45 Comment Link

    Koia Mark! Osi taimi ke oatu mo ha kakai fefine matuotua ke ngaue i ofisi Siasi he koeuhi kuo holo e kau Faifekau i ofisi Siasi pea fuu lahi e ngaue ia i ofisi Siasi ka kinautolu. Fakamalolooi atu e fanga kii tamaiki fefine iiki ia i ofisi Siasi oo ia o fakalanga paati ki he kau Faifekau.

    Report
  • Mark Hanson
    Mark Hanson Wednesday, 25 May 2016 13:59 Comment Link

    Poupou atu Tukia, he 'oku ki'i lahilahi e fakatamaiki 'e sekelitali lolotonga. Fokotu'u atu a ki he konifelenisi ke tu'uaki e lakanga Sekelitali ke tohi atu ki ai e kau faifekau, he 'oku 'alu e taimi ke lahi ange mo toe fakaeonopooni ange e ngaahi ngaue 'ae siasi pea 'oku fu'u fiema'u ha taha ke ne lava 'o fakalele mo leva'i lelei a ngaue 'ae 'ofisi mo 'ave ngaahi fale'i totonu mo fakapalofesinale ki he Tangata'eiki Palesiteni.

    Report
  • Tukia Sikulu
    Tukia Sikulu Tuesday, 24 May 2016 14:14 Comment Link

    Fakamonu atu 'Eiki Palesiteni, fakatauange ke 'oatu 'e he 'Eiki ha ivi 'oku lahi ki he hokohoko atu 'o e fua fatongia. Peheange mai ne loto e Konifelenisi Kakatoi ke fili ha Sekelitali Fo'ou. Mau 'Ofa atu.

    Report
  • Faifekau
    Faifekau Tuesday, 24 May 2016 09:31 Comment Link

    Talamonu atu Tangata'eiki Palesiteni ki he fatongia kuo pani kiai e Feitu'u na.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top