“ Poupou lahi atu kia Fukofuka, koe me'a ia na'a ku toutou kalanga ki ai, ke talamai ange 'e 'Ofa Likiliki ha fonua 'i mamani kuo nau tali kakato e CEDAW pea kuo lava 'ehe CEDAW 'o ta'ofi faka'aufuli e ngaahi ta moe abuse 'oku lau ki ai. Toe talamai ange 'e Mrs Likiliki pe 'e lava fefe 'ehe ki'i la'ipepa talite CEDAW 'o ta'ofi ha motu'a mei ha'ane paa'i hono finemotu'a? toe talamai ange 'e Mrs Likiliki pe 'e lava fefe 'ehe la'i CEDAW 'o ta'ofi e finematu'a mei he kapekape moe lau ki he fa'ee moe fanga tuofafine hono mali 'o tupunga ai hono lopapa 'ehe motu'a? 'Oku 'asi he Kaniva 'e fu'u fakamatala 'a Mrs Likiliki ki he ngaahi case koaa na'e launga'i ange 'ehe kakai fefine. Fakamatala he 'osi, fakaikiiki mo mahino ho'o ngaahi keisi. 'Oku ke pehe koe toko fihangeau na'e "abuse" - toe ki'i veteki ange 'ae "abuse", he koe definition 'oe abuse 'oku fu'u falahi - 'e lava pe ke lau ha ki'i la'usi pe ki'i fusi'i koe abuse, 'o lau fakataha pe ia moe taa'i pe tuki'i. 'Ai ke 'osi mo mahino e fakamatala kae tuku e fakamatala fakakonga mo hono toe fakalahi mo sensationalise e fanga ki'i me'a iiki. Koe solova'anga ia e palopalema ko eni koe nofo hifo e matu'a 'i 'api 'o takitaha akonaki'i 'enau fanau, fefine mo tangata, ke nau fetoka'i'aki mo fefaka'apa'apa'aki, pea o ki he lotu 'o lotu fakamaatoato. Te'eki talamai 'e Mrs Likiliki ia pe koe kakai fefine 'e toko fiha kuo nau fakamamahi'i (abuse) e kakai fefine kehe - kau heni hono ta, lau'ikovi'i, kapepake'i, kaiha'asi 'enau koloa, kaiha'asi 'enau tangata kae ta'etamai 'enau fanau, moe ngaahi hia kehekehe mo fakalilifu 'oku fai 'ehe kakai fefine. Pea he'ikai pea he'ikai teitei lava 'ehe ki'i la'ipepa CEDAW 'o ta'ofi e ngaahi me'a ko eni 'o a'u ki he 'osi 'a mamani. Ka koe nunu'a 'o e CEDAW 'e vave 'aupito 'ene kapui mo keina e molale moe anga fakafonua tukufakaholo 'o e Tonga. Mahino 'aupito pe koe fu'u poupou fefeka ko eni 'a Mrs Likiliki koe feinga pe ka ma'u ha pa'anga ki he'ene ki'i NGO, he koe ngaue lahi pe 'a e ki'i NGO ko eni ko hono tafunaki e vatamaki 'ae ngaahi hoa mo veteki e ngaahi famili ke toe movetevete ange.
'Oku te'eki ai ke hanga 'eha tangata Tonga ia 'o tamate'i pea tu'utu'u hono mali 'o fa'o tangai pea tuku 'aisi, pea tamate'i 'ene fanga ki'i fanau iiki koe lahi 'enau tangi !!!! lahi 'aupito e hoko 'ae me'a koeni he ngaahi fonua kuo fuoloa 'enau tali kakato e CEDAW; a'u ki hono lingi penisini'i e finemotu'a 'o tutu !!! ko fe leva e ivi e CEDAW kene ta'ofi???? tali mai e ngaahi fehu'i ko ena Mrs Likiliki, pea ka 'ikai teke lava 'o tali pea ke longo 'aupito 'oua na'a ke toe lea 'o tu'uaki ho'o CEDAW. ”