Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Tangi ‘a Mateni Tapueluelu ‘i he Mole hono Sea ‘i he Fale Alea Featured

Fakafofonga Fale Alea Malōlō ‘o e Vahenga Fili Tongatapu 4 Mateni Tapueluelu Fakafofonga Fale Alea Malōlō ‘o e Vahenga Fili Tongatapu 4 Mateni Tapueluelu

Nuku’alofa, 5 Sanuali 2016. Kuo fakahū atu ‘e he Fakafofonga Fale Alea Malōlō ‘o e Vahenga Fili Tongatapu 4 ‘a ‘ene tangi ki he Fakamaau’anga Tangi fekau’aki mo e tu’utu’uni ‘a e Tu’i Fakamaau Lahi Owen Paulsen he faka’osinga ‘o e 2015 ‘oku ta’efakalao ‘a ‘ene hoko koe Fakafofonga Fale Alea Tongatapu 4.

Na’e makatu’unga ‘a e tu’utu’uni ‘a e Tu’i Fakamaau Lahi ‘i hono faka’ilo ‘e he ‘Ateni Seniale ‘a Tapueluelu ‘o makatu’unga ‘i he ‘uhinga na’e ‘ikai totongi hono mo’ua Fakamaau’anga lolotonga ia ‘ene hoko koe Kanititeiti ki he Fili Fale Alea ‘o Novema 2014.

Ko e mo’ua ‘o Tapueluelu ko’eni na’e fe’unga ia mo e pa’anga ‘e tahamano uaafe tupu ki he kia William Clive Edwards ‘a ia koe Ministiā Lao Malōlō. Ko e mo’ua ‘eni ‘i hano faka’ilo ‘e Edwards ‘a Tapueluelu ‘i he 2011 ‘a ia koe ‘Etita ‘o e Nusipepa Kele’a ‘i he taimi koia ki he lau’ikovi’i. Na’e fe’unga mo e ta’u ‘e 3 ‘a e toutou tangi ‘a Tapuelulelu mo e Nusipepa Kele’a fekau’aki mo e mo’ua koia mo e ‘ikai ola lelei.

Na’e tu’utu’uni foki ‘e he ‘Eiki Sea ‘o e Fale Alea Lord Tu’ivakanō ke to’o ‘a e totonu ‘a Mateni Tapueluelu kene hoko koe Fakafofonga Fale Alea ‘i he ‘aho 11 ‘o Tisema 2015 hili pe ha taimi nounou mei hono fakahā ‘a e Tu’utu’uni ‘a e Tu’i Fakamaau Lahi.

‘Oku mahino mai foki ‘e Fakafofonga’i ‘a Tapueluelu ‘i he hopo Tangi ko’eni ‘e he loea Nu’usila koia ko Rodney Harrison pea ‘e fakafofonga’i pe ‘e he ‘Ateni Seniale Le’ole’o ‘Aminiasi Kefu ia. 'I he taimi tatau kuo ma'u 'a e fakamatala mahino meia WIlliam Clive Edwards 'oku te'eki totongi 'a e mo'ua ia ko'eni.

‘Oku lolotonga teuteu foki ‘a e Komisoni Fili ki hano fakahoko ha fili si’i he kaha’u vave mai ke fetongi ‘a e Sea ko’eni ‘o Tapueluelu ma’ae Tongatapu 4.

9 comments

  • Mosese
    Mosese Thursday, 14 January 2016 11:18 Comment Link

    Me'a he ko 'Akilisi pe ia 'e Fakamaau pea ku toe 'Ateni Seniale mo Lavulavu ia koe me'a ku vilitaki ai ke si'i tangi

    Report
  • Petuliki Mafileo
    Petuliki Mafileo Thursday, 14 January 2016 09:27 Comment Link

    Kou tui au oku tonu ke 'oatu he toko taha IA oku tangi PE ko mateni ha'a fo'i poini mahuinga e 3 pea uhinga lelei 'aupito ke tali aki ene tohi tangi he koe taimi lahi nau ngaue aki tohi tangi ke hold aki pe tu'utu'uni 'oku osi fai kia nautolu but they have no good leason at all koe fkmole pe taimi fkmaau alu a ki api moe fkpiko.

    Report
  • Daphne Taukolonga Lemeki
    Daphne Taukolonga Lemeki Tuesday, 12 January 2016 14:20 Comment Link

    Ko hono fakatu'utamaki ia 'o e me'a koe ngutu lau mo hono tukuhifo ha ngeia moe ongoongo 'oha taha kehe ki lalo. Ko ho'o mio'i mo loi 'oku tatau ia moe taamate. Ako aa ai 'a e media, 'aka kia kinautolu 'oku 'iai honau kete, pea koe me'a ia 'e iku ki ai, ko hono fokotu'u kimoutolu 'i Pule'anga, pea iku 'omai moe mo'ua ke totongi. You want to shoot others with lies openly, then get it openly, so go and pay what you owe, hope you learn your lesson. Go Clive Edward! bring them on!

    Report
  • Nepote T
    Nepote T Friday, 08 January 2016 11:00 Comment Link

    Ko enau founga foki eni oku ngaue ngaue'aki 'e he Kele'a 'a e me'a koe tangi, ke tautoloi 'aki e totongi 'o e mo'ua hopo he kuo fepakipaki tu'u e ngaahi hopo ia e!

    Report
  • Siaosi
    Siaosi Thursday, 07 January 2016 22:52 Comment Link

    Toe iai mo hono moua ka Samiu Vaipulu he hopo lauikovii koe $10000 teeki lau kiai e fakamole a e loea. Koe toki kau politikale eni ia oku fiekovi mo fietangata aki e moua lalahi.

    Report
  • Sione A Mokofisi
    Sione A Mokofisi Thursday, 07 January 2016 17:33 Comment Link

    KAU TAMA KAAKAA & MATA TANGI 'A E PALEMIA...na'e kokoo e fu'u monga 'o Lavulavu 'i hono teu tuli mei Fale Alea´. Hoko hake eni 'a Mateni Tapueluelu. Ko e me'a ia 'oku nau fie kovi ai? Tau toe tatali ki he tala tu'utu'uni 'a e Fakamaau 'i he hopo 'a Lavulavu mo Dr. Viliami Latu. Ko e fu'u kokoo ia 'e fk-tuli telinga ha'a ne kovaho hono tuli ki Hala Pule'anga. Na'e hao 'i hono fakahaofi 'e he 'ene kaiha'a mo e kaakaa (corruptions) 'i he koloa moe pa'anga 'a e Pule'anga, ka 'e toki 'akahi ki tu'a 'ko e totongi e kakai ke fili ki ai (bribery).

    Report
  • Saimone
    Saimone Thursday, 07 January 2016 16:26 Comment Link

    Toki mahino mai koe uhinga eni ne oho kui holo ai a Akilisi o feinga ke tuli ae fkfofonga lao ae puleanga (Aminiasi Kefu) ke aofi a Meteni Tapueluelu, ka ko eni kuo asi mai e mooni. Oku totonu ke fkhu pilisone a Mateni he oku ikai pe tene fie totongi e ia hono moua kia Clive Edwards, kae toe alu ia koe tangi ke toe tanaki mai e fuu moua koia kihe moua teeki totongi. Tangata ni ia koe vale ngangau mooni pe ia. Tonu ke reverse ehe falealea moe tofi o Patangata he koe fokotuu ia e Mateni ihe funga ene MP taefklao.

    Report
  • Mark Hanson
    Mark Hanson Thursday, 07 January 2016 09:05 Comment Link

    Ko ho'o tangi ai he ko ha falealea ho'o fa'etangata ke ke ta'utu fa'iteliha ai. 'Alu 'o 'uluaki totongi ho mo'ua, pe koe tangi ai moe kei ta'etotongi ke ha. 'Alu ki tu'a he na'ake 'osi 'ilo lelei pe na'e te'eki ai totongi ho mo'ua ka ke hu kakaa holo pe he fanga ki'i 'uhinga fakatekinikale ke tukuaki'i ai ha kakai kehe. Tatau ai pe pe koe ha ha toe 'uhinga 'e 'ohake e tangi ko ena, he'ikai toe liliu 'eha taha a'u kia Halisoni e fo'i mo'oni ta'eue'ia ko ena koe ta'etotongi ho mo'ua. Pea koe mo'oni ia moe 'elito 'oe case ko ena - koe kakaa ta'etotongi ho mo'ua ka ke hu lalouaea ki falealea. Pea ko ho'o toe tangi ena ke toe tanaki mai moe tohimo'ua 'a Halisoni ki he fu'u mo'ua ko ena kuo lauita'u 'ene ta'utu 'ia koe. 'Alu a ki 'api he 'oku tokolahi 'a noa e kakai ke nau ta'utu he sea ko ena na'ake ma'u he founga kakaa. hooi.

    Report
  • Inoke
    Inoke Thursday, 07 January 2016 06:49 Comment Link

    Mea fakama mooni ko hoo tae fie hiki mei he sea nae ikai pe tonu keke tautu ai. Alu o totogi ho moua kapau ko ha siana koe ke tulikaki kihe Faitotonu. Akilisi tuli ena mei he paati PTOA he oku ikai ke faitotonu. Ta kuo mooni pe lau a Aisake Eke,‘ta oku ikai koe faitotonu ka koe MAFAI oku kaveinga aki e he PAATI TEMOKALATE A TONGA’.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top