Te’eki ke mahino mai kuo fokotu’u ha Pule’anga fo’ou Featured
3 Sanuali, 2018. Kuo au mai ‘eni ki he ‘aho 3 ‘o Sanuali ‘o e 2018 mo e te’eki ke mahino mai pe kuo fokotu’u ha Pule’anga fo’ou hili ‘a e fili Fale Alea na’a tau situ’a kiai ‘i Nōvema 2017.
'Oku mahino foki na’e lava kakato ‘a e fili Palēmia ‘i he ‘aho 18 ‘o Tīsema pea kuo a’u mai ‘eni ki he ‘aho ni ‘a ia koe ‘aho ia ‘oku ava ai ‘a e ngāue faka-Pule’anga ki he ta’u fo’ou mo e te’eki pe ke mahino mai ‘a e Pule’anga.
Ko e talu ‘a hono fakahoko ‘o e liliu faka-politikale ‘i he ta’u 2010 mo ‘ene a’u pe ki he ‘aho 1 ‘o Sanuali ‘o tatau ‘i he 2011 mo e 2015 kuo maau malie hono fokotu’u ‘o e Pule’anga.
‘Oku ‘i ai pe ‘a e ‘amanaki ‘oku mei kakato ‘a e ngāue ki hano fokotu’u ha Pule’anga ko ko’ene tu’u ia ‘i he’ene a’u mai ki he ‘aho ni.
