Holo e tokolahi Fale Alea mei he 26 ki he 24 Featured
Nuku’alofa, 2 Fepueli 2016. Na’e hoko atu ‘a e feme’a’aki ‘a e Fale Alea ‘o Tonga ‘i he ‘aho ‘aneafi Mōnite 1 ‘o Fepueli. Na’e kamata’aki pe ‘a e Fale ‘a hono fakahoko faka’ofisiale ‘e he ‘Eiki Sea, Lord Tu’ivakanō ki he Fale Alea ‘o Tonga ‘a e tu’utu’u ni ‘a e Fakamaau’anga Lahi ‘o e fonua fekau’aki mo e memipa ‘e ua ‘o e Fale Alea ‘a ia kuo mole hona sea ‘i he Fale Alea ‘o Tonga.
Na’e kamata’aki ‘a e fakahā ‘e he ‘Eiki Sea ‘a e mole ‘o e sea ‘o Mateni Tapueluelu ‘a ia ko e Fakafofonga ia ‘o Tongatapu 4. Na’e makatu’unga ‘eni ‘i he tu’utu’uni ‘a e Fakamaau’anga Lahi ‘i he faka’osinga ‘o e ta’u 2015 ‘i he hopo ‘i he vaha’a ‘o e ‘Ateni Seniale ‘Aminiasi Kefu mo Mateni Tapuelulelu. Na’e fakahā foki ‘e he Tu’I Fakamaau Lahi ‘i he’ene tu’utu’uni ‘i he mahina ko Tisema 2015 na’e ta’e’aonga hono fili ‘o Tapueluelu ki he Fale Alea ‘o Tonga ko e te’eki e totongi hono mo’ua Fakamaau’anga.
Na’e hoko atu leva ‘a e ‘Eiki Sea ki hono fakahā ki he Fale ‘a e tu’utu’uni ‘a e Fakamaau’anga ‘i he ‘aho 29 Sanuali 2016 ke fakata’e’aonga’i mo e totonu ‘a ‘Etuate Sungalu Lavulavu kene hoko koe Fakafofonga Fale Alea ‘o e Vahenga Fili Vava’u 16. Na’e makatu’unga foki ‘eni ‘i he hopo ‘i he vaha’a ‘o Dr. Viliami Uasike Latu mo ‘Etuate Lavulavu pea tali ‘e he Fakamaau’anga na’e totongi fakafufū ‘e ‘Etuate Lavulavu ‘a e kakai fili ‘o e Vahenga Fili Vava’u 16 ke fili kiate ia. ‘Ikai ngata ai ka na’e hulu atu ‘ene fakamole ‘i he tu’utu’uni ‘a e Lao Fili Fale Alea 1989.
‘I he’ene pehē leva kuo holo ‘a e tokolahi ‘o e Hou’eiki Memipa ‘o e Fale Alea mei he 26 ki he 24 pea na’e fakamahino ‘e he ‘Eiki Sea ‘oku ‘i ai ‘a e faingamalie ‘o e memipa ‘e ua ko’eni kena toe foki mai ki he Fale Alea kapau ‘e ola lelei ‘a ‘ena tangi ki he Fakamaau’anga Tangi ‘a ia ‘oku ‘amanaki ke fakahoko ki he mahina ko Ma’asi 2016. Kapau leva ‘e ‘ikai ke ola lelei 'a e tangi 'a e ongo Fakafofonga maloloo ni pea ‘e fakahoko leva ‘a e Fili Si’i ki he sea ‘o e Vahenga Fili Tongatapu 4 mo e Vava’u 16 ‘i he ‘aho 26 ‘o Mē 2016.
10 comments
-
'Ai ho'o fakaongoongo pe mei Popua 'Oua e Fiu.
Etita oua teke tukuange mai e koe he teke omai e koe mooni o e hopo pea iku kovi ia ki hoo ngaue mo e tuutuuni Fakamaau'anga. Katau tuku pe ki langi he ko 'etau ngaue ki he fu'u 'Otua 'oku mo'ui. Faka'ilo he ta'etotongi mo'ua pea ha'u e tu'utu'u ni ia he me'a kehe. Ka hei'ilo kapau na'e lele 'ene fakahu tangi he me'a ne ha'u ai e tu'utu'u ni.
Alu Mateni o totongi ho mo'ua he ko e tautea'i ia o koe he ngutulau mo e hilo loi, 'o fakataua 'o fafanga 'aki ho mali mo e fanau pea tenau alu hake o hilo loi ange ia 'ia koe. -
Kataki Editor. Kae tuku mai hs news kihe Hopo tangi a Mateni Tapueluelu. Mau gkongo atu mei he Ngaluope ke fai ha talanoa????
-
'Oku ou sio hifo he fetalanoa'aki i he peesi feisipuka e taha, kuo mateuteu koaa ke oange Manager ia o e Komiti ke fakalelei a e Sipoti ke pule ai a Lavulavu. Pea neongo ko e ngaahi talanoa fakahua, ka kou sio ko e fakahua kotoa he Pule'anga koeni oku iku pe ia o mo'oni. Pea kapau e mo'oni, ta ko e nofo mali ia 'oku te'eki pe ke lava hano vetekina ee.
-
Kuo faka'ali'ali atu e monu kiate kimoua pea motuki ... oku i ai pe hono uhinga. Mo nofo leva o vakavakai kimoua mo homo teuteu moe ulungaanga na oku fiemau ha fakafoou. Koe vaaihala oe politikale oku fiemau ha teunga lelei mo ulungaanga lelei. Fakavetevete atu e afungi，hikisia，taefaka'apa'apa，fakamatala loi moe ta'ofa he oku ikai feunga ia moe vaha folau.
-
TANGANE MONEATA...'Oku ke faka-langakete 'aupito. Na'a ku mahalo pe ko e fe'auhi faka-kata eni. 'E fu'u manakoa 'aupito pea 'oku totonu ke fai ki he fu'u teniti hinehina 'a Lavulavu na'e fai ai 'enau hopoki 'a e "Free Friday Night Concert" 'i he Uafu ko Vuna.
Neu mamata pe 'i he 'enau 'uluaki faka'ali'ali pea u pulusi 'eku kõlomu 'i he Niuvākai tu'o taha, pea talu ai 'enau ta'ofi 'o 'ikai toe fai. Tuhu'i atu 'e au 'a e ta'e fakapotopoto 'enau fai e koniseti ta'e totongi pea 'a 'alu ki ai 'a e kakai mei he loto kolo 'o Nuku'alofa ka e mole ai 'a e ngaahi pisinisi tu'u loto koló. -
'Etuate
Ko e toki osi eni hono si'i lau ho tohi tukuange, kou ma'u ha 'ofa atu kiate koe. Kou manatu'i ho'o 'asi he tv ho'o puna to'aka he ma'u 'e 'Akilisi e fili Palemia ka e to 'a Samiu Vaipulu. 'Oku ou fokotu'u atu keke fai e to'aka tatau he na ke lohiaki'i 'a Vava'u 'onau fili mai ai koe, lohiaki'i 'a Vaipulu teke fili ai pea ko e iku'anga pe ena 'o e loi.
Kakai teuteu fili fale alea ko e lesoni mahu'inga eni ke mou ako mei ai, 'oua 'e lohiaki'i e kakai ke ma'u ai ha'ate lelei he ko e iku'anga pe eni ko e mutuku 'ete ngaue 'oku te polepole ai. Ko e iku'anga pe'eni 'o e faihala ke tau ako mei ai. -
Mokofisi, kuo lahi e fetuutaki mai ke liliu theme oe feauhi koeni ke fau pe ki he ongo fakafofonga mo e mea ne hoko ngaahi fakamaau'anga pea tau aki e ngaahi moua. Heikai ngalo foki e fosoa moe tofia patangata malaetapulu ko vila moe makasini forbes.
E fakavahamapa pe kau floorshow a Sita ko honau tekiteki koe u misini mea mamafa a Tomifa ko honau teunga koe u invoice loi oe loli maka moe kau taame'a. Ko honau vesa e fi pe ia mei he papa ne hae mei falepaaga.
Kau sii toki hoko atu i ha maau a e polokalama neongo koe fakangaanga eni kihe mahina katu'u.
Fakaapaapa atu
Vavau 14/15/16 -
MALO MONEATA...Kataki, 'oku fai 'a e fe'auhi hiva/maau 'afee?
Kataki 'o fakaikiiki mai 'a e lao 'o e fe'auhi ni. -
Koe ha leva e lau 'ae lao ki he eligibility status 'oe ongo kaupoe ko eni 'ihe teu kihe by-election? Kapau e totongi 'e Mateni hono mo'ua, 'e lave pe ke toe kanititeiti he filisi'i? fefe a Lavu? Kataki ha taha he tafa'aki lao 'o ki'i fakamaama mai, he ko hono mo'oni 'oku 'ikai pe keu toe loto au ke na fakaofiofi mai ki he me'a koe fili fale alea. Tautea'i atu ke na malolo ha to'u fili 'e 4 fai ai ki 'olunga, hange ko hono tautea'i e kau maumau lao he 'akapulu.
-
Kainga Tonga, mou kataki fakamolemole kamou kau mai he fe'auhi fakaholo mamata koeni e fakahoko i he uafu Vuna he teniti kapeti kulokula.
1. Fa'u mau ha fo'i hiva mo ha fo'i maau ki he 'Eiki Palemia, Samuela Akilisi Pohiva pea mo e Pule'anga Fo'ou, pea pehe foki kia 'Etuate Sungalu Lavulavu.
2. Kataki fa'u mai ha fo'i maau ki he Pule'anga Fo'ou, 'Eiki Palemia 'o e kakai pea mo e Takimamata mo Etuate Sungalu Lavulavu.
Te tau fakamanatu foki heni a e fe'auhi na'e 'uluaki hoko ka ko e fe'auhi koeni e lahi ange hono pale i he uluaki fe'auhi.
Tu'u mai Tonga ketau netipolo he kuo ongo ki he langi si'otau ngaahi ... maalie Kolisi Fefine