Hoko atu e Feme’a’aki Fale Alea ‘o Tonga ‘aho Monite 1 Fepueli 2016. Featured
Nuku’alofa, 27 Sanuali 2016. ‘Oku ‘amanaki ke toe hoko atu ‘a e ngāue ‘a e Fale Alea ‘o Tonga ‘i he ‘aho Mōnite ko hono 1 ‘o Fepueli 2016 hili ia hano toloi fakataimi mai mei he ta’u 2015. ‘Oku ‘ikai foki ko hano fakaava ‘eni ‘o e Fale Ale ka koe hoko atu pe ‘ene ngāue anga maheni ‘i he ‘uhinga na’e te’eki ke tapuni faka-‘ofisiale ‘i he ta’u faka-Fale Alea 2015.
Fakatatau ki ha fakamatala mei he ‘Ofisi ‘o e Fale Alea ‘o Tonga, ‘oku te’eki ke mahino ha taimi ‘e ngata ki ai ‘a e toe hoko atu ko’eni ‘a e Fale Alea he ‘e makatu’unga pe ia mei he ngaahi ngāue kuo teuteu ‘i he ‘asenita ngāue ‘a e Fale Alea. ‘Oku kau heni ‘a e ngaahi lao ‘oku ‘amanaki ke fakahoko ‘a e feme’a’aki kiai pehe ki he ngaahi kaveinga ‘oku fiema’u fakavavevave.
‘Oku mahino pe foki koe hili ‘a e tapuni ‘a e Fale Alea hili ‘a e toe hoko atu ko’eni pea ‘e toki huufi faka-‘ofisiale leva ‘o hange koe founga anga maheni. ‘Oku lahi foki ‘a e ngaahi kaveinga ‘oku tu’u telinga kiai ‘a e kakai ‘o e fonua ‘a ia ‘oku ‘amanaki ke fakahoko kiai ha feme’a’aki ‘i he toe hoko atu ko’eni ‘a e Fale Alea.
2 comments
-
Koia T Vaini ko e fangatua maalie, fakahoko mai e he Sea ene tuutuuni, fekeke hake a Vosa Haapai 13 ia, he na'e takoto ia he kete taha mo Lavulavu. Pea tala leva e he letio a Katalina 'oku kei Minisita pe a Lavulavu ia ikai ha mafai o e Sea Fale Alea ke ne tukuhifo ha Minisita he na'e fili e Minisita ia e he Palemia. Ka ketau sio ki he tonounou faka vesitapolo, ko e uhinga ene Minisita ko ene hoko ko e memipa fale alea ... maalie pea toe leso
-
Fakamonu atu ki he taufangatua o e aho ni.