Tapuni Fakalotofale Fale Alea ‘o Tonga (Soft Closing) ^Featured

Na’e fakahoko foki ‘a e ouau ko’eni ‘e he Hou’eiki Nopele ‘e toko tolu ‘a ia ko Lord Kalaniuvalu, Lord Fakafanua mo Lord Vaha’i. Na’e me’a fakahoko ‘e Lord Kalaniuvalu ‘a e Tō Folofoloa mei he Taloni ‘o Tonga.

‘Oku hā atu foki ‘i lalo ‘a e tatau ‘o e Tō Folofola mei he Taloni ‘o Tonga.

Nuku’alofa, Tonga – 21 May 2015   

‘Eiki Sea, ‘okú ou fiefia ‘i he’etau to e tu’uta lelei mai ki he ‘aho ko ení ‘o ke laumālie lelei pē pea pehē ki he ‘Eiki Palēmiá mo e Hou’eiki Minisitā ‘o e Kapinetí, kau Fakafofonga ‘o e Hou’eiki Nōpelé mo e kau Fakafofonga ‘o e Kakaí.  

Kuo kakato ‘a e fakataha ko ení ki he ngaahi fatongia ‘oku fuesia he Falé ni.  Ko ia ‘oku ‘i ai ‘a e ‘amanaki ‘e hoko lelei atu ‘a e ngaahi ngāue ko iá, ‘e malava ke tokoni ki hono langa hake ‘o e tu’unga faka-‘ekonōmika mo faka-sōsiale ‘o e fonuá pea pehē foki ki ha ngaahi palani fakalakalaka faka-fonua ‘oku teuaki mai ‘e he Pule’angá. 

‘Ofa ke fai tapuekina kimoutolu ‘e he ‘Eikí.

Fakamo’oni Huafa ki ai,
‘Ene ‘Afió, Tupou VI ko e Tu’i ‘o e ‘Otu Tonga.

Gloria Pole'o Kalake Fale Alea mo e Sea Malōlō Lord Fakafanua

Lord Vaha'i, Lord Kalaniuvalu Fotofili & Lord Fakafanua

Ko hono tapuni ‘eni ‘o e Fale Alea ‘o Tonga pea ‘e toe fakaava pe ‘i he ‘aho 28 ‘o Mē ai pe ‘a ia koe ‘aho Tu’apulelulu ia ‘o e uike kaha’u. Ko hono fakaava ia ‘o e To’u Fale Alea 2015-2016 pea fakatatau ki he fakamatala mei he Fale Alea ‘o Tonga, ko e ouau Huufi ko’eni ‘E He’ene ‘Afio Tupou VI.