Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Toe hoko atu ‘a Samuela ‘Akilisi Pohiva ko e Palemia ‘o Tonga Featured

Toe hoko atu ‘a Samuela ‘Akilisi Pohiva ko e Palemia ‘o Tonga

19 Tīsema, 2017. Na’e lava lelei atu ‘aneafi Mōnite 18 ‘o Tīsema ‘a e fili ‘e he kau Fakafofonga Fale Alea ‘o e fonua ki ha Palēmia fo’ou ma’a Tonga hange koia kuo tu’utu’uni ‘e he Konisitūtone.

Na’e toe  ikuna ‘e Samuela ‘Akili Pohiva Fakafofonga Fale Alea 'o Tongatapu 1 ‘a e fili ko’eni kene hoko atu koe Palēmia ‘o e fonua ‘aki ha fili kiai ‘a toko 14 pea fili ‘a e toko 12 kia Siaosi Sovaleni Fakafofonga Fale Alea 'o Tongatapu 3 ‘a ia ko e kanititeiti ia na’a na fe’auhi.

‘Oku mahino ngofua pe foki koe toko 14 ‘o e kau Fakafofonga Fale Alea memipa ‘o e PTOA na’a nau fili kotoa kia Pohiva kae fili ‘a e kau Fakafofonga Nōpele ‘e toko 9 mo e toko 3 ‘o e kau Falafofonga tau’atāina ma’a Sovaleni.

‘Oku te’eki ke mahino hano fakanofo faka’ofisiale mei He’ene ‘Afio ‘a e Palēmia fo’ou ‘o hange koe anga maheni.

‘I he taimi tatau na’e hoko atu ai pe ki hono fili ‘o e Sea ‘o e Fale Alea pea na’e ikuna ia ‘e Lord Fakafanua 'one hoko koe Sea fo'ou 'o e Fale Alea pea fili 'a Lord Tu’ilakepa kene hoko koe Tokoni Sea fo'ou 'o e Fale Alea 'o Tonga.

‘E toki hoko tau leva ‘a e Palēmia fo’ou ki hono fili ‘a e kau memipa ki he’ene Kapineti.

7 comments

  • Hafoka
    Hafoka Sunday, 24 December 2017 20:05 Comment Link

    US kataki foki o fai hoo fai fika ke tonu. Ko e tokolahi taha fe ia oe fonua oku ke kopano mai kiai? Vakai oku corrupt ange ene leadership i ha toe palemia ka mou fakapiko pe. Pea oku mahamahaki toe fakamole paaga e fonua he toutou ave o sivi falemahaki.

    Report
  • Aisea Matiu
    Aisea Matiu Sunday, 24 December 2017 16:31 Comment Link

    ''Oku 'ikai nai 'e University Student (US) ke ke feto'oaki faka'atamai mo fakangaue 'a e me'a 'oku loto ki ai 'a e tokolahi mo e mo'oni 'o e me'a 'oku hoko? Oku 'ikai tefito 'a e mo'oni 'a ha me'a mei he tokolahi (pe tokosi'i) ka 'oku tefito 'ene mo'oni 'o tau'ataina pe 'iate ia. 'Oku tefito 'a e loto 'o e tokolahi he'enau siome'a mo e siokoloa ki he'enu faka'amu mo e fiema'u siokita mo ta'e'ofa ki he'enau lelei fakataautaha ka e tefito 'a e mo'oni 'o e me'a 'oku hoko tau'ataina pe 'iate ia he fakama'amu mo e fiema'u siokitu'a mo sio'ofa ki he lelei fakalukufua 'a e kakai 'o e fonua. 'Oku kei fiema'u mo faka'amu vivili pe 'e Tonga ha fonua 'atamai lelei mo lotu lelei ko e malu'anga 'a ha kakai!

    Report
  • University Student
    University Student Friday, 22 December 2017 17:02 Comment Link

    Ko e ha 'oku mou ta'e-mahino pehee ai kuo mahino e me'a 'oku loto ki ai e tokolahi taha e kakai 'o e fonua pea 'oku nau tui ko e lelei tahaa ia ke fakalele'aki hotau fonuaa, 'ofa atu Palemia 'o Tonga Hon Samiuela 'AkiliSI Pohiva pea mo e PTOA mo e talamonuu atu ki hono fakalele hotau fonua ni ki he lelei fakaluukufua tetau 'inasi ai 'i he kaha'u na

    Report
  • Falakesi
    Falakesi Thursday, 21 December 2017 12:00 Comment Link

    Fiu kita he feinga kete tali e ola o e fili pm neongo na'e 'osi mahino pe he osi a e fili fale alea tenau pule'anga. Pea ku hange 'etau lele atu koeni ku tau fakaongoongo kotoa pe, pe 'e dissolve fakaku e Fale Alea koeni.

    Report
  • Taniela Maama
    Taniela Maama Tuesday, 19 December 2017 15:34 Comment Link

    Malo Pohiva e kei makalo. 'Ai faka'osi ai leva ta'u ni kake maloloo aa kuo ke motu'a.

    Report
  • Fakalalafu
    Fakalalafu Tuesday, 19 December 2017 14:27 Comment Link

    Ko hai leva 'e tukuaki'i hoko?...malie 'a e politiki tukuhifo 'a Tonga kae mo'ua e ngaahi fonua kaunga'api ia he politiki langafonua...

    Report
  • Ben Taulongo
    Ben Taulongo Tuesday, 19 December 2017 14:26 Comment Link

    Malo kuo lava ia katau sio pe koe ha me'a 'e hoko atu..

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top