Menu
cache/resized/fcc387c5ab15cde71052b8c82f3e405f.jpg
Lotus Motors Me'alele fo'ou mo sekeniheni ...
cache/resized/fa6eb631649e351582fb6945b9ca2518.jpg
Ko e paloveape 'iloa 'eni pea 'oku 'uhinga kiha ...
cache/resized/63614fa437cb694b8770470f544a87ea.jpg
“TOURS & TRAVEL AT IT’S BEST IS ...
cache/resized/de22811ba69e150b74276adfe9cd60f1.jpg
S&F Brothers (Car Dealer & Accounting ...
cache/resized/c5486089fb6fe141100fa93741aee80f.jpg
Vaiola Shop & Cafe  
cache/resized/952d37c5b239f200e4b0a944bfa8cde0.jpg
RED Rapid Engineering Diagnostic Specialize in: ...
Latest News

Hoko atu Kapineti lolotonga ko e Pule'anga faka-taimi hili hono veteki 'e he Tu'i Fale Alea 'o Tonga Featured

Hoko atu Kapineti lolotonga ko e Pule'anga faka-taimi hili hono veteki 'e he Tu'i Fale Alea 'o Tonga

27 'Aokosi, 2017. Kuo fakamahino 'e he Pule'anga 'e lele anga maheni pe 'ene ngaue ki he fonua neongo 'a e tu'utu'uni ko'eni 'a e Tu'i 'i he Fakataha Tokoni fakatatau ki hono mafai 'oku foaki 'e he Konisitutone ke veteki (dissolve) 'a e Fale Alea. 

Ko hono veteki 'eni 'e he Tu'i 'a e Fale Alea 'i hono 'ai mahino 'oku makatu'unga 'i he 'ikai ke fakafiemalie 'a e to'o fatongia 'a e Palemia mo 'ene Kapineti 'o fakatatau mo e ngahi taumu'a ki he lelei fakalukufua 'o e fonua pea kau kiai mo e tonounou 'a e founga ngaue pea maumau ai 'a e lao 'o e fonua.

'Oku mahino foki ko hono veteki ko'eni 'a e Fale Alea 'oku ta'e'aonga katoa 'a e memipa 'a e toenga 'o e kau Fakafofonga Nopele mo e Kakai tukukehe ange 'a kinautolu 'oku nau 'i he lakanga faka-Minisita mo e Palemia  'a ia ko kinautolu 'oku nau hoko atu koe Pule'anga faka-taimi kae 'oua leva kuo a'u ki he Fili Fale Alea 'o e 'aho 16 'o Novema 'o e ta'u ni.

Ko hono fakalea 'e taha 'oku 'ikai ke toe 'i ai ha Fale Alea 'i Tonga 'i he lolotonga ni kae 'oua kuo fakahoko 'a e fili Fale Alea hoko.

Na'e fakahoko foki hono talaki 'a e hoko atu 'a e Pule'anga lolotonga 'i he lakanga fakataimi 'i he 'aho Tokonaki 26 hili ia ha fakataha 'a e Kapineti pea fakamahino ai 'e hoko atu pe 'a e fatongia ki he fonua 'o fakatatau ki he tu'utu'uni mei he Fakataha Tokoni mo e Konisitutone 'o e fonua..

'Oku mahino foki 'i he taimi tatau 'o hange pe koha fa'ahinga Pule'anga faka-taimi 'oku fakangatangata 'a e mafai 'o e Palemia mo 'ene Kapineti 'o kau ki he ngaahi tu'utu'uni ki he ngaahi me'a faka-pa'anga pea 'e 'ikai ngofua kenau fakahoko ha 'u liliu lalahi pe ngaue langa lalahi ka koe le'ole'o 'ata'ata'a pea ke fakapapau'i 'oku lele anga maheni pe 'a e ngaahi sevesi ki he fonua.

'Oku 'ikai foki koha me'a fo'ou 'eni 'i he Pasifiki 'a hono veteki 'o e Fale Alea ka 'oku nofo 'a e mafai tatau 'i he lakanga 'ulu 'o e fonua (Head of State) 'a ia koe kau Palesiteni pe Kovana Seniale 'i he ngaahi fonua kaunga'api ka ko Tonga ni 'oku 'i he Tu'i 'a e mafai koia.

Ko e me'a ngaue faka-Temokalati mo faka-Konisitutone 'eni pea ko hono fuofua ngaue'aki 'eni 'i Tonga ni.

Leave a comment

Make sure you enter all the required information, indicated by an asterisk (*). HTML code is not allowed.

back to top