Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Tapuni Fakalongolongo Fale Alea ‘o Tonga Featured

Tapuni Fakalongolongo Fale Alea ‘o Tonga

3 Ma'asi, 2017. Na’e lava lelei foki he aho ‘aneafi Tu’apulelulu 2 Ma’asi ‘a hono tapuni fakalongolongo (soft closing) ‘o e Fale Alea ‘o Tonga ki he To’u Fale Alea 2016-2017.

Na'e fakafofonga'i foki 'a 'Ene 'Afio 'e Pilisinis Tungi, Lord Luani pea mo Lord Fakatulolo ki he ouau ko'eni. Na’e me’a foki ‘e Pilinisi Tungī ‘a e Tō Folofola mei he Taloni pea ko hono tatau 'ena 'o e Tō Folofola mei he Taloni ‘oku ha atu ‘i lalo.

02 Ma'asi 2017

‘Eiki Sea,

‘Oku ou tuku ‘a e fakafeta’i ‘i he’etau tū’uta lelei mai ki he ‘aho ni, pea ‘i he kakato ko ia ‘a e to’u Fale Alea ‘o e ta’ú ‘oku kei laumālie lelei pē pea pehē ki he ‘Eiki Palēmia mo e Kapineti, kau Fakafofonga ‘o e Hou’eiki Nōpele mo e kau Fakafofonga ‘o e Kakai.

Kuo lava ‘a e ngaahi ngāue lahi ‘i he lolotonga ‘o e ta’ú, kā ‘oku kei mahu’inga pē ke takiekina ‘a e tokanga ki he ngaahi kaveinga ki he lelei fakalukufua mo e ma’uma’uluta ‘a e nofó ‘o kau ki ai ‘a e fakalakalaka ‘o e akó pea pehē ki he tu’unga faka’ekonōmika mo fakasōsiale ‘o e fonuá.‘Oku fakatokanga’i foki ‘a e ngaahi tokoni kotoa kuo fakahoko mai mei he ngaahi Pule’anga mulí ‘i he lolotonga ‘o e ta’ú ki he langa fakalakalaka ‘o e fonua.

‘Oku ‘i ai ‘a e fakamālō makehe koe’uhī ko e ‘ofa kotoa ‘i he lolotonga ‘o e po’uli kuo tō ki he fonuá ‘i he hala ‘a ‘Ene ‘Afio, Kuini Halaevalu Mata’aho ko e Kuini Fehuhu ‘o Tonga.
Talamonū atu kiate kimoutolu kotoa.

'Ofa Atu

'Oku ‘amanaki foki ke fakaava faka’ofisiale ‘a e Fale Alea ‘o Tonga he kongaloto ‘o e ta’u ni 'a ia 'e fakafuofua ki he mahina ko Sune pea ‘e kamata ‘aki pe ‘a e feme’a’aki ki he patiseti.

3 comments

  • Fine
    Fine Friday, 17 March 2017 16:41 Comment Link

    Laka atu pe Failo ka Akilisi mo Tuivakano

    Report
  • Failo Taufa
    Failo Taufa Friday, 17 March 2017 15:07 Comment Link

    Fakafiefia 'aupito 'a hono tapuni fakalongolongo ho tau fale alea. Fefe ke tau fakaava mo tapuni fakalongolongo ma'u pe ho tau fale he ta'u kotoa pe kamata he ta'u ni.

    Report
  • Hafoka
    Hafoka Tuesday, 07 March 2017 09:54 Comment Link

    Oku kau eni he to'u fale alea fakama lahi, he oku ufiufi e mooni mo e totonu kae kaukaua a e loi. Mou tapuni o takitaha foki ki hono vahenga o fai e lotu ke mavivi mo kole ha ivi malohi ke hoko atu aki e ngaue.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top