Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

"Tukuange pe kau ngoue kava kenau tau'ataina": Samiu Vaipulu Featured

Samiu Vaipulu Fakafofonga Vava'u 15 Samiu Vaipulu Fakafofonga Vava'u 15

15 Fepueli, 2017. Ko e taha foki ia 'a e ngaahi kaveinga na'e 'ohake 'i he Fale Alea 'o Tonga lolotonga feme'a’aki 'i he uike ni 'a e tu'unga ma'olunga 'oku a'u kiai 'a e totongi 'o e kava Tonga.

‘Oku mahino foki kuo a’u ‘a e totongi ‘o e kava Tonga ki he pa’anga ‘e 100 ki he kilo pea ‘oku ‘ikai foki ke puli koe tu’unga ma’olunga ‘a ia ‘oku mei hiki ‘aki ‘a e peseti ‘e 400% ‘i loto pe he ta’u ‘e 2.

Kaikehe na’e ‘ohake foki ‘e he Fakafofonga Nopele Fika 2 ‘o Vava’u Lord Tu’ilakepa ‘a e kaveinga ni mo ‘ene faka’amu pe na’a malava ke pule’i ‘a e totongi ‘o e kava ‘e he Pule’anga ‘i he malumalu ‘o e va’a pule fakafuofua (competent authority).

‘Oku fakafofonga’i mai foki ‘e he fakamalanga ko’eni ‘a e Tu’ilakepa ‘a e tokolahi ‘o e kau mama kava Tonga pehe ki hotau kainga Tonga ‘i muli ‘a ia ‘oku nau fiema’u faka’aho ‘a e kava Tonga.

‘Oku mahino foki ‘a e fehanuaki ‘a e kau kava Tonga 'i he ngaahi ‘aho ni ‘i he mamafa ‘a e kava pea ‘oku ‘iku foki ke toe si’isi’i ange ai ‘a hono ma’u ‘o e kava Tonga ‘i he fonua.

‘I ha fakamalanga ‘a e Fakafofonga Vava’u 15 Samiu Vaipulu na’a ne fakamamafa’i ai ‘a e mahu’inga ke taua’ataina ‘a e tangata ngoue ki he fua ‘ene ngaue.

Na’e toe fakamamafa’i foki ‘e Vaipulu kapau leva ‘e pule’i ‘a e totongi ‘o e kava pea ‘oku totonu ke fakahoko mo e ngaue tatau ki he manioke mo e ngaahi fua kehe ‘o Tokanga.

‘Oku poupou lahi foki ‘a e kau ngoue ‘o e fonua ki he fakamalanga ko’eni ‘a Vaipulu kae tautau tefito ki he kau ngoue kava ‘i Vava’u, ‘Eua, Ha’apai mo e ongo Niua.

Na’e fakaha foki ‘e he taha ‘o e kau to kava mei he Lolo ka ‘oku ‘ikai loto ke fakaha hono hingoa koe toki faingamalie ‘eni kenau ma’u ai ha totongi lelei he koe ngaue ‘oku lahi mo taimi loloa ‘oku fai ki he kava.

Na’a ne fakamalo’ia’i foki ‘a e ‘a Vaipulu ki hono taukave’i ‘a e totonu ‘a e kau ngoue.

3 comments

  • Tevita Palaki
    Tevita Palaki Monday, 20 February 2017 18:06 Comment Link

    Koe mataka ena kuo osi ko homou toe oho mai ena ki he kava tuku pe ngoue ke nau mau'u ha nau mo'ui he ko emooni oku tauhi he tau e 3kihe5 pea taaki fahi fkmomoa osa tuki oku ikai koha kii ngaue tuku noa'i atu ae kau ngoue ke ma'u ai ha nau mo'ui

    Report
  • Oua e Fiu
    Oua e Fiu Thursday, 16 February 2017 20:18 Comment Link

    Koe tauataina kakato ia 'oku foaki kihe Tangata Ngoue n Fanga Monumanu, Fefine 'I Fale Haanga pea pehee kihe kau Toutai Fkloto Fonua !!!
    Koe fkamu ke takitaha to 'ene Fu'u Kava, si'isi'i pe kae to, Koe me'a pe ia na'e fai he to'u tangata ko eeeee. Koe fklave atu he nofo 'ae Tonga.......

    Report
  • Muitoulo
    Muitoulo Thursday, 16 February 2017 10:45 Comment Link

    Malo Samiu si'i manatu'i mai e si'i kakai 'oku to pupuha he 'uha moe la'a koe'uhi koe famili moe ngaahi kavenga 'a e siasi, fonu moe famili. Talu si'emau to kava ko 'emau toki ongo'i 'eni kuo ola emau hela. Fakamalo lahi atu ki he poupou.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top