Toko 4 kau Kanititeiti ki he Fili Si’i Vava’u 16 Featured
Neiafu, 20 Sune 2016. Na’e lava lelei ‘i he efiafi ‘o e ‘aho ni 20 Sune ‘a e lēsisita mo e toho fika ‘a e kau Kanititeiti ki he fili si’i ‘a e Vahenga Fili Vava’u 16.
Fika 1 ‘Akosita Lavulavu (Leimatu’a)
Fika 2 Viliami Uasike Latu (Leimatu’a)
Fika 3 ‘Atalasa Pouvalu (Feletoa)
Fika 4 ‘Ipeni Siale (Ta’anea)
‘Oku ‘amanaki foki ke fakahoko ‘a e fili si’i ko’eni ‘i he ‘aho 14 ‘o Siulai. Na’e lava mai mei Tongatapu ‘a e Sea ‘o e Komisoni Fili Lord Dalgety, Supavaisa ‘o e Fili Pita Vuki pea mo Lind Folaumoetu’I ke kau ki he fakataha ni.
Ko e fili si’i foki ‘eni ki hano fetongi ‘o ‘Etuate Lavulavu ‘a ia na’e fakata’e’aonga’i ‘e he Fakamaau’anga Lahi ‘a hono sea ‘i he Fale Alea makatu’unga he’ene maumau’i ‘a e Lao Fili Fale Alea ‘i he Fili Fale Alea ‘o e 2014.
