“ Fakamalo lahi atu 'feleatoa mei Vv 16' ho'o fakamaama mai 'o fekau'aki mo 'Atalasa Pouvalu, pea 'oku mahino 'aupito koe loto lelei na'ake fai'aki. Me'apango koe ofi tapuni 'a e taimi kemipeini, pea ko e tokotaha pe foki tetau 'ave. Koia ai, kuou 'ave kotoa 'eku falalaa kia Viliami Latu, 'aki 'a e ngaahi 'uhinga ko 'eni.
1. Koe tokolahi 'o e kau fakafofonga lolotonga 'i he tepile 'a e kakai, 'oku nau poupou kuikui, talangofua vale, mo malu'i 'ata'ataa 'a e Palemia & Kapineti, kae toki fika 2 'a e kakai. Pea ka huu atu a Viliami, tene malava ke fakapalanisi'i e ngaahi tepile ke takanga 'enau fohe, mo 'ave 'a e loto mo'oni 'o Vv 16 mo e kakai fakalukufua ki Fale Alea mo e Kapineti.
2. Ko Viliami tokotaha pe he kau kaniteiti kuo taaukei mo Fale Alea. Na'ane Kalake Pule (CEO) ta'u 4 'i Fale Alea, mo toe memipa Fale Alea toe ta'u kakato 'e 4. Pea he'ikai toe fakaangaanga ia mo akoako tipeiti, pe fakaongoongo mai ki ha fale'i atu mei hono malii, he 'oku 'osi feangai pe ia mo Fale Alea.
3. Ko Viliami tokotaha pe kuo ne 'osi 'i he Kapineti, ha na'e Minisita Polisi, Pilisone & Tamate Afi, toe Minisita Takimamata, pea ne toe Minisita ki he Leipa, Fefakatau'aki, moe Ngaahi Ngaue 'a e Kakai. Ko e taaukei ia 'oku tau fiema'u ki Fale Alea he ngaahi 'ahoni, lolotonga e too lalo 'etau fefakatau'aki (trade) mo muli.
4. Kuo mau hilifaki a Viliami ki he me'afua 'o e faitotonu, ho'ata kitu'a, moe ngaahi 'elemeniti 'o e temokalati moe pule lelei, pea kuo ne mamafa mo paasi ma'olunga 'aupito ai. He na'a ne feilaulau'i hono kitaa mo 'ene fiema'u fakafo'ituituii, 'o 'ikai tene tali e $200,000 na'e faka'ali ange ma'ana, kane li'aki 'a e fakamaau totonu, kae afe ki he pule kovii. Koe kalusefai 'eni 'oku tau fiema'u ki Fale Alea, pea koe tumutumu ia he ngaahi 'uhinga teu fili ai 'ia Viliami Uasike Latu. Talamonuu atu Viliami, pea fakatauange ke ongo ki he loto 'o e Vv'u 16 kotoa. Kuo ongo kiate kimautolu 'a si'o kole fakamolemole Viliamii, 'o makatu'unga 'i ho'o 'ofa fonua mo taukave'i 'a e totonu faka 'Otua. Ko ho'o fakahoko ta'e filifilimanako koia ho fatongia, ko e tumutumu ia keke laukau 'aki 'i he kaha'u. ME'A ONGO KOE TAMA TANGI MAI. ”