“ Masi'i 'Oua e Fiu' koe fakakaukau lelei 'oku ke tuku mai, ketau takitaha fokotu'u atu ha Kanititeiti 'e lelei ke fai mei ai ha sio ki he teu fili 'oku 'amanaki fai. Ka 'oku hange kiate au 'oku ke kamata pe koe 'o si'i tukuhifo e Fika 3 'o fakatatau ki ho'o sio pe 'aau. 'Oku mahino kiate au 'oku 'ikai teke 'ilo lahi pe sai'ia he Fika 3, pea teu tokoni atu ai. Koe Fika 2 & 3 na'e taa hona uhoo 'o kinaua 'i loto Vava'u 16 ni. Ka na'ana hiki fakataha moe fu'u toko laungeau mei Vv 16 ni ki Tongatapu koe 'uhi koe akoo mo kumi ai ha ngaue kena tokoni mai ki hona ongo takitaha famili, maheni & kainga, 'oku nau kei 'i Vv 16 ni. Na'e si'i takai holo a Fika 3 he faiakoo he ngaahi ta'u lahi 'o a'u ki Niua 'o ako'i ho'omou fanau, ke nau poto he tohinima moe laukonga. Na'a ne 'osi fai e ngaahi tokoni ki Vv 16 he'ene fuofua kemipeini henii, pea mo'oni e lauu, ko si'ene foki mai pe ki hono 'api tonu, 'o makatu'unga he fie tokoni. Na'e te'eki ai tene maumau'i ha Lao pe faka'ilo hia ia he Fakamaau'anga, pe kakaa'i ha Lao Fili, pe tufa pa'anga, pe kai ha pa'anga, pe kaungaa tila mo hono malii ki ha'ana lelei fakafo'ituitui. Koe tangata malanga hoko 'o e Siasi Tonga Tau'ataaina, 'ulungaanga lelei mo anga mokomoko. Kuo ne ma'u faka'ilonga ako LLB he Lao, pea 'oku ne tukuange fakataimi 'ene ngaahi ngaue loea, kae hiki mai koe fie pole'i mo ngaue'i ha lelei moha tokoni ma'a hono kainga 'i Vv 16 ni, 'a e kolo hono tupu'anga.
Kaikehe, teu ngata ai telia na'ate sanitungua, ka koe anga pe ia 'eku 'ilo mo sio tau'ataaina ki he Fika 3. Kou kole atu kau tangata ke 'oua mu'a tetau tukuhifo ha kanititeiti, ka koeha pe ha ki'i lelei 'oku tau 'ilo kiha taha, pe ha ngaue lelei tene ala fakahoko, 'oka too ki Fale alea, pea tukuange mai ketau kaungaa 'inasi ai. Koia ai 'Oua e Fiu', tuku mai aa 'ekoe ho'o kanititeiti, kamau tanaki atu kiai kenau si'i ma'u ha teu fili melino mo fiefia. He koe makatu'unga 'etau hala fakafofonga Fale Alea talu mei he ta'u kuo 'osi, mo toe fakamoleki 'etau pa'anga tukuhau he toe 'ai Fili Si'i mo hela he toe kemipeini, koe fu'u lahi 'a e fiema'u mafaii, pehee ki he ta'enanaa taufua 'a e faihala, mo e loto kakaa. Koe valee pe 'e loto ke 'ave ha taha 'ulungaanga tatau kene toe hokoatu e fa'ahinga vale ngangau ko ia. Ka koeha ha'o lau 'au 'oua e Fiu? ”