“ Mo'oni lahi 'aupito ho'o lau 'Okusi. Pea kou manatu ai ki he aleapau lisi mo rent 'e Lavulavu e Senita Fakafonua 'i Tofoa talu mei he 2008. 'I he a'u mai ki he 2011 na'e tohi fehu'i ai 'e 'Akilisi 'i Fale Alea ki he Minisita Takimamata, pe 'oku fiha e mo'ua ta'etotongi 'o Lavulavu. Na'e fakahoko mai leva mei he Pule'anga koe $7 mano tupu. 'I he a'u mai ki he 'ahoni 'oku fakafuofua kuo ofi he $2 kilu e mo'ua ko 'eni, 'okapau na'e kei ngaue mai 'aki 'a e totongi motu'a, 'o fakatatau ki he fuofua aleapau. Koe me'a 'oku maliee tahaa, koe talu pe huu atu 'a Lavulavu ki he Kapineti, moe longo hifo ai pe 'a e fo'i fakatuputupulangi ko 'eni, 'o 'ikai ha toe ongona mai. Koe fehu'i leva kia 'Akilisi, pe koeha 'oku 'ikaii tene toe fiema'u ai ke 'ilo ki he lahi e mo'ua 'o Lavulavu? Koe fehu'i leva ki he Kapineti, koe mo'oni kuo mou 'osi fakamolemole'i pea 'write off' e mo'ua ko 'eni pe 'ikai? Koe fehu'i leva kia 'Akosita, pe 'oku ne 'ilo ki he mo'ua ko 'eni 'o hono hoa 'ofa'anga pe 'ikai? 'Oku mahu'inga hono fakafehu'i 'eni, he 'oku tau fiema'u Vava'u 16 ki Fale Alea ha kakai taukei, falala'anga, 'ofa fonua, faitotonu, pea fakafepaki'i fefeka e faihala. Kae 'ikai ko hano fakapale'i ta'e'uhinga pe mo faka'ofa'ia noa'ia pe he kakai kakaa, ngutu malie, siokita, siolakanga mo fiema'u mafai. Talamonu atu ki he kau kanititeiti faitotonu mo 'ofa fonua. Sai ketau 'ilo. ”