Kamata Ngāue Talafekau Lahi Fo'ou Nu'usila Ki Tonga HE Sarah Maree Walsh Featured
Talafekau Lahu Nu'usila ki Tonga HE Sarah Walsh
Nuku'alofa, 19 Sune, 2015. Kuo fokotu’u ‘e he Pule’anga Nu’usila ‘a e fefine ko Sarah Maree Walsh ke hoko ko’enau Talafekau Lahi ki he Pule’anga Tonga.
Na’e fakahoko atu foki ‘e he Talafekau Lahi fo’ou ni ‘e ne Tohi Fakamo’oni Ngāue ‘o hangē koe founga anga maheni ki He’ene ‘Afio Tupou VI ‘i he ‘aho Pulelulu ko hono 17 ‘o Sune ‘i he Palasi Faka Tu’i pe ‘i Nuku’alofa.
Na’e fakahoko fatongia foki ‘a e fefine ni ‘o fakafofonga ‘a e Pule’anga Nu’usila ki Solomone, Kosvo, Timor-Leste pea mo Uganada foki.
Ko hono fetongi mai foki ‘eni ‘e Sarah Maree Walsh ‘a Mark Talbot ‘a ia na’a ne hoko koe Haikomisiona ‘a Nu’usila ki Tonga fe’unga moe ta’u ‘e 2.
Ko e fatongia mamafa foki ‘eni ‘i he vā fengaue’aki ‘o e ongo fonua pea kuo hoko foki ‘a Nu’usila talu mei tuai koe taha ‘o e ngaahi hoa ngaue lahi taha ‘oku fetu’utaki mo Tonga ni pea ‘oku hā sino ia ‘i he ngaahi tokoni kuo lave monū ai ‘a e fonua ‘i he tafa’aki kehekehe ‘o e mo’ui.
