Tokoni'i Siapani Ma'u'anga Vai 'a Fua'amotu Featured
L-R 'Eiki Sālote Maumautaimi Tuku'aho, 'Amipasitoa Siapani Yukio Numata, 'Ofisakolo Vili Lui & Tonga Faemani
Nuku'alofa, 3 Sune, 2015. ‘Oku tu’ulāhoko atu ai pē ‘a e hokohoko lelei ‘a e tokoni ‘a e Pule’anga Siapani mo hono kakai ki he kakai ‘o Tonga ni pea ‘oku hā pe ia ‘i hono kātoanga’i hono foaki ‘a e ngaahi tokoni ‘a Siapani ‘e 3 ‘i loto he ‘aho pē ‘eni ‘e 6.
Ko e pongipongi o e ‘aho ni na’e kātoanga’i ai ‘e he kāinga ‘o Tungī mei Fua’amotu ‘a hono foaki faka ‘ofisiale atu ‘e he ‘Amipasitoa ‘o Siapani Yukio Numata ‘a e tokoni ki he ma’u’anga vai ‘a e kolo kia ‘Eiki Sālote Maumautaimi Tuku’aho. Na’e lava ai pē mo hono fakaola ‘e Sālote Maumautaimi ‘a e ma’u’anga vai ‘a e kolo ‘i he oua fakamāfana mo fakafiefia foki.
Ko e tokoni foki ‘eni ‘oku fakafou mai ‘i he polokalama tokoni ‘a Siapani ki he lēvolo faka komiunitī mo e ngaahi fiema’u vivili tefito (Grant Assistance for Grassroots Projects [GGP]) ‘a ia kuo taa’imālie ai ‘a e ngaahi kolo lahi ‘i he ‘Otu Tonga ni.
Na’e me’a foki ‘a e ‘Amipasitoa ‘o fakahā ‘a e fiefia lahi ‘a e Pule’anga Siapani mo hono kakai ke kei tokoni ki he kakai ‘o Tonga ni kae tautautefito ki hono fakapapau’i ‘oku ma’a, lelei mo pau ‘a ‘enau ma’u’anga vai.
Na’e fakahoko foki ‘e he ‘Ofisakolo Vili Lui ‘o fakafofonga’i ‘a e Hou’eiki mo e kolo ‘i hono fakamalō’ia ‘a e fu’u tokoni kafakafa mei he Pule’anga Siapani mo hono kakai. Ko e tokoni foki ko’eni na’e fe’unga ia mo e pa’anga ‘e 206,958.39.
Na’e ‘oatu pe foki ‘i he ongoongo ni ‘a e ongo tokoni ‘e ua mei he Pule’anga Siapani na’e foaki faka’ofisiale pe moia ‘i he ngaahi ‘aho si’i kuo toki maliu atu ‘o kau ai ‘a e poloseki sola Mata ‘o e La’a na’e hopoki ‘E He’ene ‘Afio Tupou IV ‘i he ‘aho Falaite 29 ‘o Mē mo e tokoni ki he Fakatamaki Fakaenatula na’e foaki ki he Tokoni Palēmia Siaosi Sovaleni ‘aneafi Tūsite 2 ‘o Sune.
‘Oku tu’ulāhoko atu ai pē ‘a e hokohoko lelei ‘a e tokoni ‘a e Pule’anga Siapani mo hono kakai ki he kakai ‘o Tonga ni pea ‘oku hā pe ia ‘i hono kātoanga’i hono foaki ‘a e ngaahi tokoni ‘a Siapani ‘e 3 ‘i loto he ‘aho pē ‘eni ‘e 6.
Ko e pongipongi o e ‘aho ni na’e kātoanga’i ai ‘e he kāinga ‘o Tungī mei Fua’amotu ‘a hono foaki faka ‘ofisiale atu ‘e he ‘Amipasitoa ‘o Siapani Yukio Numata ‘a e tokoni ki he ma’u’anga vai ‘a e kolo kia ‘Eiki Sālote Maumautaimi Tuku’aho. Na’e lava ai pē mo hono fakaola ‘e Sālote Maumautaimi ‘a e ma’u’anga vai ‘a e kolo ‘i he oua fakamāfana mo fakafiefia foki.
Ko e tokoni foki ‘eni ‘oku fakafou mai ‘i he polokalama tokoni ‘a Siapani ki he lēvolo faka komiunitī mo e ngaahi fiema’u vivili tefito (Grant Assistance for Grassroots Projects [GGP]) ‘a ia kuo taa’imālie ai ‘a e ngaahi kolo lahi ‘i he ‘Otu Tonga ni.
Na’e me’a foki ‘a e ‘Amipasitoa ‘o fakahā ‘a e fiefia lahi ‘a e Pule’anga Siapani mo hono kakai ke kei tokoni ki he kakai ‘o Tonga ni kae tautautefito ki hono fakapapau’i ‘oku ma’a, lelei mo pau ‘a ‘enau ma’u’anga vai.
Na’e fakahoko foki ‘e he ‘Ofisakolo Vili Lui ‘o fakafofonga’i ‘a e Hou’eiki mo e kolo ‘i hono fakamalō’ia ‘a e fu’u tokoni kafakafa mei he Pule’anga Siapani mo hono kakai. Ko e tokoni foki ko’eni na’e fe’unga ia mo e pa’anga ‘e 206,958.39.
Na’e ‘oatu pe foki ‘i he ongoongo ni ‘a e ongo tokoni ‘e ua mei he Pule’anga Siapani na’e foaki faka’ofisiale pe moia ‘i he ngaahi ‘aho si’i kuo toki maliu atu ‘o kau ai ‘a e poloseki sola Mata ‘o e La’a na’e hopoki ‘E He’ene ‘Afio Tupou IV ‘i he ‘aho Falaite 29 ‘o Mē mo e tokoni ki he Fakatamaki Fakaenatula na’e foaki ki he Tokoni Palēmia Siaosi Sovaleni ‘aneafi Tūsite 2 ‘o Sune.
