Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Foaki Ki He’ene ‘Afio Poloseki Sola Mata 'o e La’a Featured

'Ene 'Afio Tupou VI, 'Amipasitoa Siapani Yukio Numata, Hon. Poasi Tei & Carl Sanf 'Ene 'Afio Tupou VI, 'Amipasitoa Siapani Yukio Numata, Hon. Poasi Tei & Carl Sanf

Nuku’alofa, 2 Sune 2015. Na’e lava lelei ‘i he ‘aho Falaite ko hono 29 ‘o Mē ‘a e ouau hono foaki atu ‘e he ‘Amipasitoa Siapani  Yukio Numata ‘a e poloseki faama sola Mata 'o e La’a ki He’ene ‘Afio Kingi Tupou IV ‘i he tu'u'anga pe 'o e poloseki ni 'i he matakolo 'o Vainī.

‘Oku taumu’a foki ke fakatupu ‘ehe poloseki ko’eni ‘a e peseti ‘e 3 ‘o e ma’u’anga ‘uhila ‘a Tongatapu ‘a ia ‘e holo foki ai moe fiema’u ki he lolo tīsolo ‘aki ha lita ‘e 400,000 ki he ta’u.

Na’e fakahā foki ‘e he Tangata’eiki ‘Amipasitoa Siapani Yukio Numata lolotonga ‘a e ouau ni ‘oku ta’e fakangatangata ‘a e lelei ‘e ma’u mei he poloseki ko’eni pea ‘e kau ki ai mo e holo ‘a e totongi ‘o e ‘uhila tukukehe ange ‘a ‘ene lelei ki he ‘atakai mo e malu ‘a e ma’u’anga ivi.

Na’e fe’unga foki mo e pa’anga ‘Amelika ‘e 15 miliona ‘a e fakamole ki he poloseki Mata ‘o e La’a pea koe tokoni katoa ‘eni ‘a e Pule’anga Siapani.

Na’e fakahoko foki he ngahai ta’u si’i kuo maliu atu hono foaki ‘a e poloseki tatau na’e fakapa’anga ‘e he Pule’anga Nu’usila ko e Maama Mai 'oku tu'u 'i 'Ananā ‘a ia ‘oku taumu’a mo natula tatau pe ‘eni mo e poloseki ko’eni ‘oku fakapa’anga ‘e Siapani. Na’e toe foaki ‘i he ta’u 2013 ‘a e poloseki natula tatau ‘i he vahefonua Vava’u 'oku tu'u 'i Kāmeli na’e fakapa’anga ia ‘e he Pule’anga United Arab Emirates.

Ko e konga foki ‘eni ‘o e ngaahi fokotu’utu’u ‘a e Pule’anga mo e Poate ‘Uhila ‘a Tonga ke a’u ki he ta’u 2020 ‘e peseti ‘e 100 ‘a e ma’u’anga ivi ‘e ma’u pe mei he ngaahi ma’u’anga ivi ‘oku malava fakafo’ou ‘o hangē ko e sola, havili, mo e biomass.

Ko e anga ia ‘a e feinga ‘a e fonua mo e Pule’anga ke fakalelei ‘a e ma’u’anga ivi neongo ‘oku te’eki ai ke hā mai ha holo 'e taha he totongi ‘o e ’uhila talu 'a e tu’u ‘a e ngaahi poloseki ko’eni. ‘Oku ‘i ai pe ‘a e fakatu’amelie ki he kaha’u pea ‘oku ‘i ai ‘a e tui koe me’a lelei kotoa pe ‘oku tuku e taimi kiai.

Na'e me'a 'i he ouau ni 'a e Tokoni Palēmia Siaosi Sovaleni, Minisitā Ki he Ngaahi Pisinisi 'a e Pule'anga Poasi Tei, Hou'eiki Nopele 'a 'Ene 'Afio, Sea Poate 'Uhila Carl Sanf, mo e kau fakaafe tokolahi. 'Oku 'i ai pe 'a e 'amanaki lelei 'e vave ni mai pe ha lele 'i matangi 'a e ngaahi poloseki ni kae holo e totongi 'o e 'uhila.

Leave a comment

Make sure you enter all the required information, indicated by an asterisk (*). HTML code is not allowed.

back to top