Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Fakafepaki'i Kulupu Siasi Tokaikolo Konifelenisi Kau Fakafāfine Featured

Kulupu Feohi'anga Tokaikolo mo 'enau Pena Kulupu Feohi'anga Tokaikolo mo 'enau Pena

Nuku’alofa
‘Aho 12 Mē, 2015

‘Oku lolotonga fakahoko mai ki Tonga ni ‘a e Konifelenisi ‘a e kau Fakafāfine pe koe kau Fakaleitī ‘a ia na’e kamata ia ‘aneafi ‘aho Monite ko hono 11 pea ‘e toki ngata mei he ‘aho Tu’apulelulu 14 ‘o Mē ‘a ia koe Tu’apulelulu ia ‘o e uike ni.

‘Oku fakahoko ‘a e konifelenisi ko’eni ‘i he Senitā Fakataha’anga Fa’onelua pea ‘oku kau mai ki he konifelenisi ko’eni ‘a e kau fakafofonga mei he ngaahi fonua muli, kau faifekau, kau loea, pehē ki he toketā mo e kau mataotao ‘oku nau poupou mo ngāue ki hono ta’ota’ofi ‘a hono fakaehaua mo fakamamahi’i ‘a e kau fakafāfine.

Fakatatau ki he fakamatala ‘a Joey Mataele ‘a ia ‘oku Palesiteni ‘i he Kautaha ‘a e kau Fakafāfine ‘a Tonga, ‘oku fakahoko ‘a e konifelenisi ko’eni ‘i he ‘uhinga ke fokotu’utu’u ha ngāue ki hono malu’i ‘a e kau fakafāfine pehe ki hono ta’ota’ofi ‘a hono fakamamahi’i kinautolu pehe ki hono fakakehekehe’i kinautolu ‘i he sosaieti ‘o kau kiai mo hono tāpalasia ‘enau ngaahi totonu.

Lolotonga ‘a e fakahoko ‘a e fakataha kuo tu’uta ‘a e kulupu mei he siasi Tokaikolo ‘o taki mai ‘e Faifekau Siosifa Vaki mo ‘enau pena (banner) ‘oku tohi mata’a’a ai ‘a e lea ko ‘eni “Go Back To Your Country With Your Immorality, Tonga Do Not Want Evil People” ‘a ia ko hono faka Tonga ‘oku ‘uhinga ia “Mou Foki Ki Homou Fonua Mo Homou Anga Fulikivanu, ‘Oku ‘Ikai Fiema’u ‘E Tonga Ha Kakai Anga Kovi”.

Na’e tu’u pe foki ‘a e kulupu ko’eni mo ‘enau pena ‘i he ve’e hala Taufa ‘o fe’ungatonu pe mo e afe’anga ki he Senitā Fakataha’anga Fā’onelua. Ko ia kotoa pē ‘e hū mai ki tu’a mei he Senitā Fakataha’anga Fā’onelua kuopau kene sio mai ki he pena ko’eni mo e tohi ‘oku hā ai.

Na’e fakahoko hano faka’eke’eke ‘e he ongoongo ‘a e Nepituno ‘a Faifekau Siosifa Vaki pea na’a ne fakahā ‘oku ‘ikai koe ‘uhinga ‘a ‘enau fakahoko ‘a e ngāue ko’eni koha fakatupu ha vākovi ka ko hono fakahoko pe he ‘uhinga lelei.

“Ko ‘emau tu’u ‘a mautolu ko hono mamahi’i ‘a e ‘Otua na’e tuku kiai ‘a e fonua ‘a ia ‘oku fehi’a ia he fa’ahinga me’a koia ‘oku fokotu’utu’u ‘e he fa’ahinga konifelenisi pehe ni,” koe fakamatala ia ‘a Faifekau Vaki. Na’e pehē foki ‘e Vaki ‘oku ‘ikai ko hano toki fakahoko ‘eni ka ‘oku toutou fakahoko pea ‘oku tali ia ‘e he ngaahi fonua ‘o tupu mei heni ‘a hono fakangofua ‘a e mali ‘a e tangata mo e tangata ‘a ia ‘oku tupu ai ‘a e mahaki ‘etisi.

Na’e toe fakahā foki ‘e Faifekau Vaki ‘oku ‘i ai ‘a e lau kiai ‘a e Folofola pea ‘oku tu’u pe ‘a e ngaahi veesi Folofola koia ‘i he pena kuo nau teuteu. “Ko e ‘uhinga foki ia na’e tutu ai ‘a Sōtoma mo Komola ko e fakasōtoma,” koe hoko atu ia ‘a Faifekau Vaki.

‘Oku tui ta’e toe veiveiua ‘a Faifekau Vaki ko e kamata ‘eni ‘a e hake mai ‘a e fa’ahinga fokotu’utu’u ko’eni ki he fonua pea ‘oku totonu ke fakafepaki’i ‘aki ‘a e mālohi taha. "Ko ‘emau tu’u he ‘aho ni ke fakahaa’i pe ki he fonua ‘a e anga ‘emau tui he koe fonua lotu ‘eni,” koe faka’osi ia ‘a Faifekau Vaki.

Na’e fakahā foki ‘e Joey Mataele ‘a ia koe Palesiteni ia ‘a e Kautaha ‘a e kau fakafāfine ‘a Tonga ‘oku ‘ikai fekau’aki ‘a e konifelenisi ‘oku nau fakahoko mo ha feinga ke tali ha mali faka tangata ka ‘oku taumu’a ia ke fakasi’isi’i hono tāpalasia mo fakamamahi’i ‘a e kau fakafāfine ‘o ‘ikai ngata pe ‘i Tonga ni ka ko mamani foki.

“Ka fakahoko ha ngaahi me’akai ‘i ha kātoanga pe koha teuteu fale mo ha fakama’a ‘api kuo pau ke ‘i ai e kau leitī ke tokoni pea ‘oku ‘ikai sola kiai ‘a Tonga ni,” koe fakahā ia ‘e Joey ki he ongoongo ‘a e Nepituno. Na’e toe fakahā foki ‘e Joey ‘oku lahi mo e ‘aonga ‘o e fa’ahinga kakai ko’eni ki he sosaieti pea ko kinautolu koe kau Tonga pe.

‘I hano ‘eke kia Joey pe koe hā ha’a ne lau ki he fakahā loto ‘oku fai ‘e he Kulupu mei he Siasi Tokaikolo, na’a ne fakahā ai “’oku tau’ataina pe foki ‘a e kakai kotoa ia ‘ki he’enau tui mo e fakakaukau kā koe me’a pe ‘oku mau ongo’i ‘oku mau ta’elata homau fonua totonu pea ‘oku fehu’ia ‘e he kau folau mai ki he fakataha ni pe koe fe ‘a e ‘Otu Motu Anga’ofa?.

‘Oku ‘amanaki ke faka’osi ‘a e konifelenisi ko’eni ‘i he ‘aho Tu’apulelulu ‘o e uike ni.

9 comments

  • Mark Hanson
    Mark Hanson Friday, 24 July 2015 09:52 Comment Link

    'Oku lolotonga tau'ataina pe kau fakaleiti ke fai e ngaahi me'a 'oku nau loto ke fai, pea 'oku 'ikai ta'ofi kinautolu 'eha taha. Koe tau'ataina fakafo'ituitui ke fai 'ete me'a fakafo'ituitui. Koe me'a 'oku fai ki ai e hoha'a koe toe hoko atu ko ena ke fai fakapule'anga'i e me'a ko ia, pea 'e faingofua leva ke hu mai ai moe ngaahi me'a kehe, he 'e lau leva ia 'ehe ngaahi international gay/lesbian/etc organisations kuo tali kakato 'ehe pule'anga, kakai 'o Tonga moe sosaieti Tonga ke fakalao'i e me'a ko ia. 'Oku nau halaloto'api mai leva nautolu he totonu 'ae kakai kehe 'oku 'ikai ke nau poupou ki he fa'ahinga mo'ui ko ia neongo 'oku nau tukunoa'i pe 'ihe levolo fakafo'ituitui. Koe toe hoko atu koee ke talaki ki tu'apule'anga 'oku poupou e kakai 'o Tonga as a people and society ki he ngaahi to'onga ko ia, koe me'a ia 'oku fai ai e hoha'a. Nau fa'iteliha pe nautolu ki he 'enau me' a 'oku fai ka 'ihe levolo fakafo'ituitui pe 'o hange pe ko ia 'oku nau anga ki ai. Tuku e feinga ia ke fakafonua'i, fakapule'anga'i mo fakasosaieti'i e me'a ko ia he 'oku lave noa'ia ai e fa'ahinga kehe tokolahi ia, pea 'oku 'iai 'enau totonu 'a nautolu ke fakaha honau loto. Nau ngata pe mu'a he levolo 'oe fakafo'ituitui mo kei tali lelei nautolu 'ehe sosaieti. Tuku e feinga ia ke fusi totonu he 'e uesia ai 'enau tau'ataina fakafo'ituitui 'oku nau lolotonga ma'u he taimi ni pea mole moe poupou 'ae kakai tokolahi.

    Report
  • Sione Tui Ofa
    Sione Tui Ofa Thursday, 23 July 2015 13:37 Comment Link

    Oku ifee kau fkaleitii oku nau kau kihe u Siasi Tokaikolo...mole e ofa ia pea oku taofi he etau konisitutone ae fkakaukau koia oku mamahii ehe Tokaikolo..heikai pe hoko ia I Tonga ni..tukumua sii kau fkaleitii kenau tauataaina

    Report
  • Vaiola10
    Vaiola10 Friday, 15 May 2015 12:55 Comment Link

    What about all the liars, rapists and adulterers in Tonga?? A sin is a sin, no matter how big or small! Judgement is for God alone!! you should all go worry about whats happening in your own lives before you start looking at others!

    Report
  • faith
    faith Friday, 15 May 2015 10:04 Comment Link

    Woe unto them who draw iniquity with cords of vanity, and sin as it were with a cart rope. Isaiah 5:18.
    "Woe" is pronounced against those who openly pile up sin upon sin and scoff at God.
    Gay is an abomination to the Lord. No man can change what God has established as sin. No one is judging or condemning them. We as christian suppose to love the sinners and hate the sin. For those that are not in Christ, they are already condemn. And for you, whoever is supporting this evilness to be legalize in Tonga. I would be afraid. Afraid of God. For He knows our every move. This life is short to fool around. Repent and turn to Jesus, the one who gave His life so that we can have life. Much love to each and every one of you in Jesus name!!

    Report
  • taanga
    taanga Thursday, 14 May 2015 21:05 Comment Link

    Amusia moutolu oku mou haohaoa kemou judged kinautolu. Koe mea ia nae kalusefai ai hotau Otua ke totongi hoo angahala mo eku angahala. Your judging them whos going to judge you?? This is wrong on so many levels. We are all sinners who sins over and over again no one is perfect in this world. Kofe leva e lotu in this??

    Report
  • Mou
    Mou Thursday, 14 May 2015 10:47 Comment Link

    Proverbs 17:15New King James Version (NKJV)

    15 He who justifies the wicked, and he who condemns the just,
    Both of them alike are an abomination to the Lord.

    Report
  • Falepaini Halisi
    Falepaini Halisi Wednesday, 13 May 2015 13:34 Comment Link

    Pea ko fe leva 'a e 'ofa 'oku mou malanga'i. You hypocrites!

    Report
  • Palu_08
    Palu_08 Wednesday, 13 May 2015 11:45 Comment Link

    Whoever have no sin be the first to cast a stone....please let GOD JUdge...who are you to judge them....

    Report
  • Iunisi
    Iunisi Wednesday, 13 May 2015 11:10 Comment Link

    LEt God be the judgement of all thing :)

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top