Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Toli ‘Akau mo e Ma’uma’uluta ‘a e Ngaahi Fāmili Featured

Kulupu Toli mei Tonga 'i he'enau kau atu ki he ki'i polokalama ako 'i 'Aositelelia Kulupu Toli mei Tonga 'i he'enau kau atu ki he ki'i polokalama ako 'i 'Aositelelia

Nuku'alofa

29 'Epeleli, 2015

Lolotonga ‘oku taa’imalie faka ‘ikonomika ‘a e fonua pehē ki he ngaahi fāmili fakataautaha ‘oku nau lave monū honau ni’ihi ‘i he polokalama toli ‘akau (pacific seasonal labour scheme) ‘a ia ‘oku tokoni mai ‘aki ‘e he Pule’anga ‘Aositelelia mo Nu’usila, ‘oku ‘i ai pe ‘a e ngaahi uesia ‘a ia ‘oku mahu’inga pē ke fai ha tokanga mavahe ki ai.

‘Oku ‘uhinga ‘eni ki he palopalema faka sōsiale ‘oku fepaki mo e si’i ngaahi fāmili tokolahi ‘a ia ‘oku tupu ‘eni mei he nofo mavahevahe ‘a e husepaniti mo e uaifi ‘o iku ki he takitahama’ana pea a’u ki he vete mo e ‘osi’osingamalie. ‘Oku ‘ikai koha me’a si’i ‘eni he ‘oku malava kene fakatupu ‘a e palopalema ‘oku toe lahi ange he ‘oku ‘i ai ‘a e fānau pehē ki honau kaha’u.

 ‘Oku ‘ikai foki ke tuhu’i heni ‘oku fakatupu ‘a e palopalema ko’eni ‘e he polokalama toli ‘akau he ‘oku fu’u fiema’u ‘a e tokoni pehe ni ki he langa hake ‘a e ngaahi fāmili ‘i he fonua ni ka ‘oku toe mahu’inga pe ke fai ha tokanga ki heni he ‘oku lahi ‘ene hoko pea ‘oku fakautuutu. ‘I he’ene pehē leva ‘oku taimi ke fai ha tokoni ke solova leva lolotonga ‘oku ala malava.

Kuo ma’u ‘e he ongoongo ‘a e Nepituno ‘a e fakamatala mei he taha ‘o e kau loea ‘o e fonua ni Sūnia Manu Fili ‘oku lahi ‘ene ngāue faka lao ki he kaveinga ‘o e vete mali pea koe tokolahi taha ‘oku fekau’aki tonu ‘eni mo si’otau ni’ihi ‘oku nau ma’u faingamalie ke folau atu he polokalama toli ‘akau. Ko e me’a tatau ‘oku fakahoko mai mei ngaahi ‘ofisi lao kehe ‘i he fonua ni.

‘Oku ‘ikai ke puli koe me’a fakafo’ituitui ‘eni ‘a e tokataha kotoa ‘oku pole ki he faingamalie ko’eni pea ‘oku tokolahi foki moe kau toli koe kau talavou mo fienmui ‘oku ‘ikai kenau ma’u  fāmili ka ‘oku totonu ke muimui’i lelei ‘a e kaveinga ni he koe tahi ‘eni pea koe tahi ‘oku hu’a mai.

Na’e fakahoko foki mo hano faka’eke’eke tonu ‘e he ongoongo ‘a e Nepituno ‘a e toko ua tangata ‘oku na kau atu ki he polokalama toli ‘akau ‘oku fakahoko ki ‘Aositelelia pea mo Nu'usila pea na’a na fakahā ‘oku na fepaki mo e palopalema tatau. Na’e ‘ikai kena loto ke fakahā hona hingoa ka ‘oku mahino mai koe palopalema ko’eni ‘oku kaunga tonu ia mo e toe ‘eva atu hona ongo hoa ‘o kinaua he sone pea ‘oku ‘i ai foki moe fanga ki’i mata.

‘I hano fakahā mei he taha ‘o e kau ‘ofisa ma’olunga mei he Potungaue ki he Ngāue Fakalotofonua, na’a ne pehē ‘oku ‘i ai pe ‘a e fanongo ‘oku hoko ‘a e plaopalema ko ‘eni ka ‘oku ‘ikai ko honau tefito’i fatongia ‘eni. ‘Oku nau fakelele pe ‘a e ngaahi polokalama fale’i kimu’a pea folau atu ‘a e ngaahi kulupu toli ka ‘oku nofo taha pe ‘eni ki he anga hono tauhi ‘enau pa’anga mo e ngaahi me’a fekau’aki tonu pe mo ‘enau ngaue ‘e faka’aho ‘i he’enau mavahe atu mei Tonga ni.

‘Oku ‘i ai ‘a e tokanga mavahe heni ‘a e ongoongo ni ki he hoko ‘a e palopalema ko’eni pea ‘oku ‘i ai ‘a e faka’amu ‘e ngaue fakataha ‘a e ngaahi kupu fekau’aki ke vakai’i  ‘eni telia ‘a e ma’uma’uluta ‘a si’i ngaahi fāmili ‘oku nau kau atu ki he polokalama ni.

2 comments

  • Paula Tokamoekafa
    Paula Tokamoekafa Sunday, 03 May 2015 18:43 Comment Link

    Koe mo'oni lahi Malolo pea koe 'atunga ia 'a e masiva ka 'oku kei mahu'inga ange pe 'a e famili moe mata e fanau. 'Oku totonu ke fai ha ngaue ki heni pea filifili lelei pe kakai 'oku lotu mo malava ke fakatou fakama'uma'u loua 'a e ongo matu'a.

    Report
  • Joseph MAlolo
    Joseph MAlolo Wednesday, 29 April 2015 23:46 Comment Link

    Leaving the family to find jobs will bring financial need but will never bring relationship , because money can't buy love. Feeling,emotions,happy,grief and sharing will build this without money and must be shared in person with one another.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top