Menu
cache/resized/63614fa437cb694b8770470f544a87ea.jpg
“TOURS & TRAVEL AT IT’S BEST IS ...
cache/resized/de22811ba69e150b74276adfe9cd60f1.jpg
S&F Brothers (Car Dealer & Accounting ...
cache/resized/c5486089fb6fe141100fa93741aee80f.jpg
Vaiola Shop & Cafe  
cache/resized/952d37c5b239f200e4b0a944bfa8cde0.jpg
RED Rapid Engineering Diagnostic Specialize in: ...
Latest News

Fakamanana’i ke fakapoongi fakamaau ‘o e semifainolo ‘a e Mate Ma’a Tonga mo ‘Ingilani Featured

Matt Cecchin Matt Cecchin

17 Tisema, 2017. Kuo tuku mai ‘e he ngaahi kautaha ongoongo ‘a hono fakamahino ‘e he fakamaau ‘i he semifainolo ‘a e Mate Ma’a Tonga mo ‘Ingilani ‘i he fe’auhi ki he ipu ‘a mamani ‘i ‘akapulu liiki Matt Cecchin 'o 'Aositelelia ‘a ‘ene ma’u ‘a e ngaahi fakamanamana kiate ia ‘e to’o ‘ene mo’ui.

‘Oku makatu’unga foki ‘a e ngaahi fakamanamana ko’eni mei he tu’utu’uni ‘a e fakamaau ko’eni ke fakata’e’aong’i ‘ikai toe ‘ave ki he fakamaau vitiō (Video Referee) ‘a e tata’o ‘a e sitā ‘iloa ‘a e Mate Ma’a Tonga ko Andrew Fififta ‘i he semifainolo ‘a e Mate Ma’a Tonga mo ‘Ingilani ‘i he ‘aho 25 ‘o Novema 2017.

Ko e kaveinga ko’eni na’e lahi ‘a e laaulea kiai mo e ta’efiemalie ‘a e timi Mate Ma’a Tonga pehe ki he kau poupou 'o tatau pe he kau poupou Tonga mo muli foki pea na’e a’u ki hono ‘ave ‘a e launga mei he kau loea Tonga ki he Kosilio ‘a e ‘Akapulu Liiki ‘a mamani.

‘I hono lipooti ‘e he nusipepa Sun ‘a Pilitānia na’e ma’u ‘e he foha ‘o Matt Cecchin ‘a e fakamanamana ‘i he facebook ‘e to’o ‘a e mo’ui ‘ene tangata’eiki.

‘I he fakamatala ‘a e nusipepa ni na’e fakamahino ‘e Matt Cecchin ‘ene tailiili mo ‘ene hoha’a tautautefito ki he a’u ‘a e fakamanamana ko’eni ki hono foha.

Kaikehe ‘oku kei tu’uma’u pe ‘a e kau ‘ofisiale ia ‘o e fe’auhi ki he ipu ‘a mamani ‘i he mala’e ‘Akapulu Liiki ‘i he’enau taukapo’i na’e tonu pe ‘a e tu’utu’uni ia ‘a Matt Cecchin.

Ko e tau malie foki 'eni pea na'e toki mahino pe 'a e malohi he 'osi 'a e taimi 'aki 'a e kai koe 20-18 pea kapau na'e foaki a e tata'o 'a Andrew Fifita 'e ikuna 'a e Mate Ma'a Tonga.

‘Oku ‘ikai foki ke fakamahino mai pe ko hai na’a ne fakahoko ‘a e ngaahi fakamanamana ko’eni.

2 comments

  • Makamaile Mokofisi
    Makamaile Mokofisi Tuesday, 19 December 2017 15:29 Comment Link

    'Oua 'e toe kaikaila he koho loto. 'Oku ke pehe 'e to ki fe mamahi e kau poupou 'o e MMT mo e fonua? Kana hake 'ena.....'ioooo

    Report
  • Falakesi
    Falakesi Monday, 18 December 2017 16:30 Comment Link

    He'ikai toe mavahe nofo tailiili mei ho'o mo'ui. Kana hake ena!

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top