Hoko ‘a Fekita ‘Utoikamanu ko e Fakafofonga Ma’olunga ‘a e UN ki he Ngaahi fonua langalanga hake Featured
Fekita 'Utoikamanu lolotonga 'e'ne hoko koe 'Amipasitoa 'a Tonga ki he Pule'anga Fakatahataha (UN)
14 'Epeleli, 2017. Kuo fokotu’u ‘e he Sekelitali Seniale ‘a e Pule’anga Fakatahataha (United Nations) Antonio Guterres ‘a Fekita ‘Utoikamanu ‘o Tonga kene hoko ki he lakanga ko e Fakafofonga Ma’olunga ‘a e UN ki he Ngaahi fonua langalanga hake (UN's new High Representative for the Least Developed Countries, Landlocked Developing Countries and Small Island Developing States).
Ko e lakanga foki ‘eni ‘i he lēvolo ma’olunga ‘i he Pule’anga Fakatahataha pea koe ongoongo fakafiefia foki ‘eni ki he Pasifiki pehē ki Tonga ni foki.
Na’e fakahā foki ‘e he Talekita Seniale ‘a e Komiunitī ‘a e Pasifiki (SPC) ‘a ‘enau fiefia hono fokotu’u ko’eni ‘o Fekita ki he lakanga ni pea ko Fekita ko e tokotaha tipilomētika lelei pea faka’apa’apa’ia foki.
Na’e hoko foki ‘a e Fekita ‘Utoikamanu koe Tokoni Talēkita Seniale ‘a e SPC, Memipa 'o e Kosilio Pule 'a e 'Univesiti 'o e Pasifiki Tonga kimu’a pea toki foki mai ki Tonga ni ‘o hoko koe CEO ‘a e Potungāue Takimamata ‘i he kamata’anga ‘o e ta’u ni.
Kimu’a ai na’a ne ngāue faka-Pule’anga pe pea na’a ne hoko ko e Sekelitali ‘a e Potungāue ki Muli, ‘Amipasitoa ‘a Tonga ki he Pule’anga Fakatahataha (UN) ki mu’a pea ne hiki ‘o ngāue ‘i Fisi.
Ko e mole lahi ‘eni ki he Pule’anga pea koe fuofua Tonga ‘eni kuo ne a’usia ‘a e tu’unga ma’olunga taha ‘i he Pule’anga Fakatahataha.
'Oku ma'u husepaniti 'a Feikita 'Utoikamanu kia Siosiua 'Utoikamanu 'a ia koe Minisitā Pa'anga malōlō ia 'a e Tonga ni.
3 comments
-
Oku tapuakii mau pe a e kakai ngaue lelei. Koe fokotuutuu pe ia ke Chief Sec a Palenitina he koe tuha pe ia e Puleanga koeni. Sai aupito pe ave o Fekita mei he Takimamata he oku fuu lahi hoo ilo au mo ho poto, fiemau pe ha kau poto siisii kenau fokotuutuu miss heilala pe mo Misi Sika mei Sanuali ki Tisema
-
Toki me'apango malie ia koe 'ikai hoko 'a Fekita koe Chief Sec. he na'e mei ha'u ia 'o pihia he mio'i & fievale loii. Fe'unga pe PMO ia mo Dr Langaloi kenau usuusu ai pe mo uiui tevolo.
-
Na'e tohi mai foki 'a Fekita ki he Sekelitali Pule & Sekelitali ki he Kapineti 'i he 2015 pea fili 'e he Pule'anga ia ko'eni 'a Langa'oi ko 'ene poto he mio'i mo e te'epato pea 'ikai ha taukei 'a ia 'oku tau a'u ai ki he tu'unga ngali kovi lahi. Kuo fakamahino 'e he UN 'etau faka-motusi'i he 'oku lau 'ehe lokua koe moana hono ki'i 'ava'i maka. Talamonu atu Fekita....