Pekia Kuini Fehuhu 'Ofeina 'o Tonga Kuini Halaevalu Mata’aho Featured
Kuini Fehuhu, Kuini Halaevalu Mata'aho
20 Fepueli, 2017. Ko e ongoongo fakaloloma ia ki he Tonga kotoa ‘a e ma’u ‘o e tala mei ‘Aokalani Nu’usila kuo pekia ‘a e Ta'ahine Kuini Fehuhu Kuini Halaevalu Mata’aho.
‘Oku mahino foki na’e me’a atu ‘a e Kuini Fehuhu ki Nu’usila ‘i he kongaloto ‘o e uike kuo ‘osi pea ko'ene pekia ko’eni ‘a e Kuini Fehuhu ‘i hono ta’u 90.
'Oku ha foki 'i ha fakamatala 'a e Matangitonga 'i he hengihengi ai pe 'o e 'aho ni ko e pekia ko'eni 'a e Kuini Fehuhu na'e me'a tonu 'a e Ta'ahine Pilinisesi Angelika Latufuipeka Mata'aho 'i hono tafa'aki.
‘Oku te’eki foki ke mahino ha fakaikiiki ki he ongoongo fakaloloma ko’eni ki he Tonga kotoa ka ko e ngaahi fakamatala kuo mahino mai ko e hu’u hangatonu pe mei he fale’alo ‘o fakafou ‘i he facebook.
‘Oku lolotonga ha’ele ‘a’ahi atu foki ‘a e Tama Tu’i Tupou VI mo e Ta’ahine Kuini Nanasipau’u ki he Ongo Niua.
1 comment
-
'io nepituno?toki talakai fakafonua mai e pekia a e Kuini Fehuhu kuo mu'a ho'o ongoongo 'au ia mo lady luse hhhh malo e ngaue