Fakatokanga mamafa ‘a e Fale Alea ki he Vava’u News Hub Featured
9 Fepueli, 2017. Kuo fakatokanga ‘a e ‘Eiki Sea ‘o e Fale Alea lolotonga ‘a e feme’a’aki ‘a e Fale Alea ‘i he ‘aho 8 Fepueli ki he ki’i peesi/website ‘i he Facebook ‘oku ‘iloa koe Vava’u News Hub.
Ko e fakatokanga ‘eni fekau’aki mo hono paaki ‘e he ki’i website ko’eni ‘a e ngaahi fakamatala ‘ikai mo’oni fekau’aki mo e teu fili fakahaloto ki hono tukuhifo ‘o e Palemia.
‘I he me’a ‘a e ‘Eiki Sea ‘o e Fale Alea na’a ne fakamamafai’i ai ‘e malava ke ngaue’aki ‘a e Kupu 70 ‘o e Konistutone ke faka’ilo ha taha ‘o kau ai ‘a e ngaahi kautaha ongoongo ‘oku nau ta’efaka’apa’apa ki he ngaue ‘a Fale Alea.
Na'e toe fakamamafa'i foki 'i he feme'a'aki 'a e Fale Alea 'a e fiema'u ke tukuatu ki he fonua 'a e ngaahi ongoongo 'oku mo'oni mo taau.
3 comments
-
'Oua temou hoha'asi 'a e tau'ataina 'a e mitia. Koe toe pe 'eni ia ke 'ai e ongoongo 'oku mo'oni. Malie Vava'u.....'ikai malie Nu'usila........
-
Me'a 'eni 'oku ui koe lele 'a e ngaahi sitima pea lele no'ia ai mo e potu'iakau ia ko'eni. Mahu'inga hono fakamahino ke 'ilo 'oku 'i ai e lao ka e 'ikai koe lele noa'ia.
-
puke mai e ki'i kau fa'u ongoongo fakamotu koia o fakahu ha 'aapuaka fakapiko ko e fakamotu