Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Fili ‘a Mafi tō ‘i ‘Amelika Samoa ke Fale’i (Liaison Officer) ki he Kovana Ha’amoa ‘Amelika Featured

Mafi tō ‘i ‘Amelika Samoa lolotonga 'ene fai fatongia ki he La'a kuo unga fonua Siaosi V. To'o mei he Peesi Facebook 'a Tevita Kifi Lousiale Mafi tō ‘i ‘Amelika Samoa lolotonga 'ene fai fatongia ki he La'a kuo unga fonua Siaosi V. To'o mei he Peesi Facebook 'a Tevita Kifi Lousiale

24 Sanuali, 2017. Kuo fili ‘a Sione Lousiale Lotolua Kava ‘a ia ‘oku toe ‘iloa ko Mafi tō ‘i ‘Amelika Samoa kene hoko koe Fale’i (Liaison Officer) ki he Kovana Ha’amoa ‘Amelika Tonga Lolo Matalasi Moliga.

Ko hono fakanofo ‘eni ‘o Mafi tō ‘i ‘Amelika Samoa kene fale’i mo tu’u vaha’a ‘i he vā ‘o e kainga Tonga ‘i Ha’amoa ‘Amelika mo e Kovana pehe ki he Pule’anga Ha’amoa ‘Amelika.

Ko Mafi tō ‘i ‘Amelika Samoa ‘a ia ‘oku toe ‘iloa ko Sione Lousiale Lotolua Kava foki na’e fakanofo ia ki he hingoa matāpule ko e Mafi tō ‘i ‘Amelika Samoa ‘E he’ene ‘Afio Tufa’ahau Tupou IV ‘i he ta’u 2005.

Na’a ne hoko foki koe ‘ofisa ‘i he Va’a Malini ‘a ‘Amelika pea na’a ne kau atu foki ki he tau ‘i he Kulifa Pesia ‘i he ta’u 1991.

‘I ha fakamatala ‘a Mafi tō ‘i ‘Amelika Samoa ki he ngaahi kautaha ongoongo na’a ne fakahā ai koe ‘ene fakamālō’ia ‘a e falala kuo tuku ange kiate ia ‘e he Kovana pea tene meangāue ‘aki ‘a e faingamalie ko’eni ke fakatahataha’i ‘a e kainga Tonga ‘oku nau fakapaea ‘i Ha’amoa ‘Amelika.

Na’e hoko atu ‘a Mafi tō ‘i ‘Amelika Samoa ‘o fakamahino koe fatongia ‘oku ui ia kiai tene tokoni ki he lelei ‘a e kainga Tonga ‘o kau kiai ‘a hono pukepuke ‘a e ngaahi ‘ulungaanga fakafonua.

‘Oku ‘amanaki ke folau mai ‘a Mafi tō ‘i ‘Amelika Samoa ki Tonga ni mo e timi mei he Pule’anga Ha’amoa ‘Amelika ke fakahoko ha fakataha mo e kau ma’u mafai fekau’aki mo e ‘api ‘eka ‘e 3 na’e foaki ‘e he Pule’anga Tonga ‘i Popua ma’a e Pule’anga ‘Amelika Ha’amoa.

Ko e foaki foki ‘eni ‘o fakafetongi’aki ‘a e ‘api ‘eka ‘e 3 ‘o e Pule’anga Tonga ‘i Tafuna na’e foaki ‘e he Pule’anga Ha’amoa ‘Amelikia ‘i he ta’u 1986. Ko e ‘api ko’eni ‘o Tonga ‘oku lolotonga tu’u ai ‘a e maketi ki hono fakatau atu ‘a e koloa ‘a e fonua.

Na’e folau mai foki ‘a Mafi tō ‘i ‘Amelika Samoa mo e timi mei Ha’amoa ‘Amelika ki Tonga ni ‘i he 2013 ke fakahoko ai pe ha alelea fekau’ki mo e tu’unga ‘o e ‘api ‘o Tonga ‘i Tafuna Ha’amoa ‘Amelika.

Leave a comment

Make sure you enter all the required information, indicated by an asterisk (*). HTML code is not allowed.

back to top