Faka-pekia Pule’anga Siaina nō langa Ako Ma’olunga Ha’apai Featured
7 Siulai, 2016. ‘Oku ‘amanaki ke faka pekia ‘e he Pule’anga Siaina ‘a e nō ‘a e Pule’anga Tonga ki hono toe langa ‘a e Ako Ma’olunga Ha’apai.
Ko e nō ko’eni na’e fe’unga mo e pa’anga ‘e 3 miliona ‘Amelika ‘a ia ‘oku fakafuofua koe pa’anga Tonga ia ‘e 6 miliona.
Na’e fakamalō’ia foki ‘e he ‘Eiki Minisitā Pa’anga ‘Aisake Eke ‘a e ‘ofa ko’eni ‘a e Pule’anga Siaina pea na’a ne toe fakahā foki ki he mītia ‘a e hono toe tuku mai ‘e he Pule’anga Siaina ‘a e ta’u ‘e 1 ka e toki kamata ‘a hono tā fakafoki ‘a e nō ki hono langa ‘o Nuku’alofa hili ‘a e maumau ‘i he 16/11 ‘o e 2006.
‘Oku anga maheni ‘aki pe foki ‘e he Pule’anga Siaina ’a hono fakapekia mo fakamolemole’i ‘a e nō ki he langa fakalakalaka ‘a e ngaahi fonua langalanga hake.
