Fokotu’u ‘a Lord Dalgety ki he Lakanga Sea Komisoni Fili Featured
Lord Ramsay Dalgety
Nuku’alofa, 19 Mē 2016. Kuo fokotu’u ‘a Lord Ramsay Dalgety ki he lakanga ko e Komisiona mo e Sea ‘o e Komisoni Fili ‘a Tonga (Tonga Electoral Commission).
Na’e toloi mai foki ‘a e fili ‘Ofisakolo mo e fili Pule Fakavahe ‘o makatu’unga ‘i he te’eki ke fakanofo ha taha ki he Lakanga ni ka ko’eni kuo fokotu’u ‘a Lord Dalgety ki he lakanga ni ‘o fakatatau ki he Lao Fili Fale Alea.
Kuo mahino mai foki mei he Komisoni Fili ‘e fakahoko ‘a e fili ‘Ofisakolo mo e Pule Fakavahe ‘i he ‘aho 29 ‘o Sune 2016 pea ‘e fakahoko leva ‘a e fili si’i ki ha Fakafofonga Falealea ma’ae Vahenga Fili Vava’u 16 ‘i he ‘aho 14 ‘o Siulai.
Ko Lord Dalgety ko e Fakamaau Lahi malōlō ia ‘i he Fakamaau’anga Lahi ‘a Tonga pea koe matāpule ‘eni mei Sikotilani na'e fakanofo kene hoko koe taha ‘o e Hou’eiki Nōpele 'ikai Tukufakaholo ‘a ‘Ene ‘Afio.
3 comments
-
Kou pehe 'e au na'e kau a Akilsi he fakafepaki fefeka ki hono fakanofo Lord 'o Dalgety, pea na'e kau foki a Dalgety he Poate Kautaha Vaka na'a nau fakangoto'i e Ashika, pea na'e fai e fu'u valau lahi ai 'e falealea mo e fonua foki. Ka ko eni kuo falala'anga ia 'ehe pule'anga ko eni. Fakaoli e mafulifuli 'ae taimi pea mafulifuli ai pe 'atamai e kakai.
-
Folau koe Vai pe 'a Leimatu'a ka koe pango kuo 'ilo 'ehe kakai ia e pau'u. Ko e tokoni 'a e Pule'anga mei he emergency fund pa'anga 30,000 na'e talu hono 'ave he 2015. Toki 'ilo pe 'e he kakai he 'a'ahi ange 'a 'Akilisi ki he Lautohi Pule'anga Leimatu'a 'i he ta'u ni na'e 'i ai e tokoni pea toki 'oho ange 'a Lavu 'o 'ai faka-konga ka kuo kata atu e kakai 'i hono ma'u lelei e kakaa. Na'e toe ui 'ene fakataha 'o kole ke 'oange pa'anga 'a e Komiti Vai ke fakalele'aki 'ene ngaue tokoni...malie ee...ka kuo poto e kanga 'o 'ika tali. 'Oku kei kole noo holo 'a Lepa Mafi ki he Komiti Fakakolo 'a Leimatu'a ke totongi 'ene kau ngaue vili vai.
-
Sai kuo mahino e aho e fakahoko ai e fili si'i. Feunga pe ene a'u kiai moe osi a Vavau 16 ia he misini vai. Oua toe fai ia ka Akosita Lavulavu.