Folau VOEA Late mo e Tokoni Afā ki Vava’u mo Ha’apai Featured
VOEA Late
Nuku’alofa, 25 Fepueli 2016. 'Oku 'amanaki tukufolau atu ‘a e VOEA Late ‘a ia ko e vaka ‘o e Kautau ‘a ‘Ene ‘Afio mo e tokoni ki he ‘Otu Ha’apai mo Vava’u ‘a ia na’e uesia ‘e he Saikolone faka-Talopiki ko Winston.
Na’e fanongonongo pe foki ‘e he Letiō mo e ngaahi mītia ki he kāinga Vava’u mo Ha’apai kapau ‘oku ‘i ai ha’a nau tokoni ki honau ngaahi fāmili pea 'e malava ke fakafolau he vaka ni ka ‘e fakangatangata pe ki he taki kilo ‘e 60 ki he fāmili.āōēāōēī
Na’e fakahā foki ‘e Laveni ‘Aho mei he Va’a ‘oku nau tokanga’i ‘a e ngaahi fakatamaki fakaenatula ko e ko e uta ‘a e vaka koe ngaahi naunau tokoni fakatu’upakē foki pe kia kinautolu na’e uesia ‘e he saikolone ‘o kau ai pe foki mo e ngaahi tokoni mei he ngaahi fāmili tautonu.
‘Oku kau foki ‘i he uta ko’eni ‘a e VOEA Late ‘a e ngaahi tokoni mei he kautaha tokoni OXFAM mo e Caritas ‘ai koe konga ia ‘enau fengāue’aki mo e Pule’anga Nu’usila. Ko e maumau na’e fakahoko ‘e he saikolone ko Winston na’e lahi taha ‘ene maumau ki Vava’u ‘ ai na’e a’u ki he falenofo’anga ‘e 30 na’a ne faka’auha ‘o ‘ikai toe ‘aonga ha me’a mei ai.
