“ 'Oku 'ikai ko e 'isiu tefito heni hono tali pe ta'etali 'a e CEDAW, Ko e fua 'isiu mahu'inga heni ke tokanga'i lelei mo lahi ko e fiema'u ha mahino 'oku lahi mo loloto ke fai'aki hono fakafenapasi 'a e me'a faka-Tonga mo e me'a faka-'Iulope ka e 'ikai ko hono hilifaki hifo pe 'a e me'a faka-'Iulope he me'a faka-Tonga pea lau tokua 'oku kovi e ka e sai 'ape e.
Ko e hili ange 'a e 'aho 'e mole leva 'a e me'a faka-Tonga ka e ma'u 'a e me'a faka-'Iulope pea tokanga ko e ha leva hono to e mahu'inga mo 'aonga 'a e lau 'o e mo'ui faka-Tonga mo e Tonga ka e fakakaukau faka-'Iulope mo ngaue ko e 'Iulope. Ko e fepaki lahi 'eni mo e nunu'a kovi.
Ko ia ai 'oku fiema'u 'a e ako lahi mo loloto ki he ongo me'a faka-Tonga mo e me'a faka-'Iulope ka e tefito ki he me'a faka-Tonga 'o hange ko e lau malie 'a 'Anolo mo Mark, 'o 'ikai lau pe ko e tangata pe fefine. Kae kehe 'oku to e kaunga lahi 'a e mounu fakatauele 'o folokopu 'e he ni'ihi 'o e pa'anga muli mei 'Iulope ki he lahi 'o e ngaahi maumau 'e hoko he nofo 'a e fonua. ”