“ Poupou au kia S. Mateo! 'Oku kei fu'u mamafa pe rate uhila neongo e lahi hono langa e ngaahi sola. 'Oku lelei pe solar ka 'oku tonu ke fakakaukau'i lelei ha toe founga ange 'e vave ai ha 'atu anuanu hono ola lelei.
'Oku totonu ke tuku 'aupito e 'uhinga ia tokua koe lelei e solar ko 'ene tokoni ki ho no ffakasi'isi'i hono faka'uli'i e 'aatakai he 'oku koe ki'i me'a lefu 'oku tau fai fakahoa atu ki he 'uli kona 'oku tukuatu ta'emotu he ngaahi fonua tu'umalie.
Tau feinga tautolu ha toe founga ngaue'i e solar 'oku ne lava 'o tokoni ki he tu'unga fakapa'anga moe fakasosiale hotau kakai. 'Oku tau sio holo pe 'i 'uta (land) ki he langa 'oe ngaahi faama sola ka koe palopalema 'oku hanga 'e he faama solar 'o to'o e taha hotau koloa mahu'inga taha - koe kelekele. Koe ngaahi kelekele koia ne mei ma'u 'api ai hotau kakai, pe 'e ngoue'i ke tokoni ki he'etau pa'anga humai.
Fefe ke fakakaukau'i ke fai e langa faama sola ki tahi pe Fanga'uta? Fefe ke fakatau ma'ama'a atu e ngaahi naunau solar ki he ngaahi 'api ke nau tokoni ki fakalele e sola pea fakahu mai e toenga 'uhila ki he kuliti 'a e pule'anga?
Ko e taumu'a 'o 'etau sola 'oku totonu ke nofo ma'u pe ki hono holoki e totongi 'uhila mamafa he vave taha he 'oku fu'u mamafa. Ki'i toloi atu e taumu'a fakama'a e 'aatakai he 'oku hoko ia koe unga'anga 'oe mamafa 'oe totongi 'uhila.
Faka'apa'apa atu ”