“ LOHOx2...'OKU 'IKAI KO HA FATONGAI IA 'OE KAU LAU NEPTUNÓ...pe ko e kau lau nusipepá, kenau to e fakatotolo ha'o ngutulau, pe fakamatala fie 'ilo'ilo loi 'oku 'omai ki hení. Mahino mai 'oku nounou ho'o 'iló ki he fatongia 'o e mītiá.
1. Fatongia ia 'o 'ou ke 'oua 'e loi mo kākā'i e kakaí (public) 'i ho'o fakamatalá 'i he "public media". Tatau koe mo 'Akilisi mo e Kele'á 'i he 'enau ngaahi mo'ua halaia 'i he lau'i kovi 'o e kakaí kuo fokoleta. 'Oua na'a ke pehē ko e founga totonú ia.
2. 'Oku mo'umo'ua 'a e Nepitunó fakalao 'i ha'o lau'i kovi'i ha taha 'i he fõfõ'anga ko 'ení. Ka ko e fatongia mamafá ko e tokotaha 'oku fie faka'aonga'i 'a e mītiá ke "fakahāhā tau'atāina hono lotó" (freedom of expression), 'aki 'a e faitotonú.
3. Ko e fatongia tatau 'oku faitotonu ki ai 'a e kau faiongoongó (journalism ethics), 'oku totonu ke fai tatau ki ai ho'o fakamatala 'i hení. Maumaú, 'oku 'ikai teke angatotonu ke fakahā mai ho hingoa totonú, koe'uhi 'oku ke ongo'i ai ho fatongia ke tasilosilo mai (transparent) ho'o ngaahi fakamatalá.
4. 'Oku 'ikai pule fakaleveleva ha tokotaha ki he mītiá ke fa'ifa'iteliha 'o hangē ko e lau'i kovi'i tavale 'o e kakaí 'e 'Akilisi Põhiva mo e Kele'á. 'Oku kei pūkea ai 'a Māteni, mo Laucala, mo e kau 'êtita 'o e Kele'á, 'o nau pehē ko e totonu pē ia.
5. Ko e mītiá ko e koloa tukufakaholo ia 'a e kakaí (public). 'Oku tau faka'apa'apa'i 'a e tokotaha kotoa 'o 'ikai fai ha "kape'i ta'aki" (personal attacks), pe fakamaa'i 'i he anga sio lalo mo e meheka.
6. Faikehekehe ia mo e Facebook mo e toenga 'o e "social media". 'Oku 'ikai ko e "public media" kinautolu, ke fai tavale ho'o mou kapekape, loi, mo e hāfua he 'oku takitaha fakaafe'i 'a e kāinga mo e ngaahi kaume'á faka-ngatangata.
7. Ka 'oku ke fiema'u tokoni, pea ke me'a atu 'o kau 'i ha kalasi ako faiongoongo (Journalism 101) 'i he kolisí pe 'iunivēsití. ”