“ POUPOU KI AI VILI...Ko e feinga 'a e kau taki lotú mo e Pule'angá ke pule'i fakamālohi'i 'a e kakaí ke mole ai 'etau tau'atāiná.
1) Faka-kaukau kovi mo e ta'e taau 'a e Ministā Polisí, Pohiva Tu'i'onetoa,.." Pea na'a ne pehē: "'E 'ikai mate ha taha he ta'e kai mā." Ko e lea ta'e 'ofa mo e sio-lalo mai ki he kakai 'oku fe'unga pē si'enau ki'i sēnití mo e fo'i mā ($1.20).
2) Na'e pule'i mai 'e he Minisitā Polisí 'etau tau'atāina ki hono fafanga hotau ngaahi fāmilí 'anefē? Ko e me'a faka-fo'i-tuitui 'a e fāmili kotoa.
3) Monū'ia koe Põhiva Tu'i'onetoa 'oku 'i ai ho'o vāhenga ke kai mei ai ho fāmilí. Ka e fēfē si'i fāmili ta'e ma'u ngāué?
4) 'E mole ngāue 'a e kakai ta'omā tokolahi, pea tenau fiekaia mo 'enau fānaú, he 'oku mamafaange 'a e kato manioké ($10) 'i he fo'imā ($1.20).
5) Sai ia ketau fokotu'utu'u kotoa pē he ta'e ngāué mo e masivá.
6) Feinga e ngaahi fonua mulí ia ke ma'u tu'umālie pea mākona honau kakaí; ka e feinga 'a Tonga ia ke fiekaia pea masiva hotau kakaí.
7) Toki fiefia 'ai 'a e kau taki 'o e Pule'angá, mo e kau taki lotú ketau nofo masiva mo fiekaia kotoa. Ko e founga ia kenau pule'i faka-põpula'i ai kitautolú ketau talangofua ma'upē. ”