“ MĀLŌ VAKUUHO...Kātaki kuo 'osi 'a e kounga 'o e kai fakafaná, mo e tauhi taungá. Ma'u ai 'a e mahaki kete pala ko e kai e me'atokoni mafú.
1) Tuku e fie to'a ia ka e fie kaiá pe, he kuo ha'u e fakalakalaká pea 'oku fiema'u e mākoná, mo e ma'u e me'a tokoni mo e vaitamini totonú. 'Osi e kuonga 'o e kai manioke hamuhamú, pea 'oku fie kai mā mo e pata 'a e kakaí; pea nau vala ma'a; pea mo ako'i 'enau fānau ki he tu'unga ako leleiange.
2) Te'eki ai mate ha taha 'i he fie kaia? Ko ho'o talí ia ke toki mate ha taha he fiekaiá pea ke toki fakalelei'i ho fāmilí.
3) Ka ko e fiekaia ia 'oku hulu 'i Tonga. Kuo ke 'eke'eke holo ho kaungā'apí? Pe 'oku ke tu'umālia koe 'oku 'ikai teke 'ilo e fiekaia 'a e tūkui 'apí? 'Oku honge 'a Tonga he me'akaí he 'oku kei $10-$20 'a e kato manioké ko e "short supply, high demand."
4) Kuo tu'u laine fānau ako 'i Kolomotu'a ke ma'u breakfast tu'o 2 he uike ko 'enau fiekaiá. Ko e tu'unga ia 'oku 'i ai 'a māmaní, ke fafanga e fānau 'i he pongipongí.
5) 'O kapau 'oku pehē 'a Kolomotu'a 'oku tu'u 'i Nuku'alofá, fēfē hake 'a e ngaahi kolō?
6) Kuo lipooti 'e he ngaahi pangikē kuo hiki mā'olunga 'a e peseti 'o e masiva-tukuhāusiá 'i Tongá ni. Ko hai 'oku ne tokanga'i 'a e kau masiva? ”