“ KĀTAKI NGALUFO'OU MO SAIMONE...'Oku mo poupou ki he kau Taki Lotú ki hono faka-mālohi'i 'o e kakai ke fie kaia 'enau fānaú 'i he Sāpaté. 'Oku mo ilifia na'a 'ikai kemou õ ki Hēvani e?
1) Ko e feinga aipē ke mapule'i faka-pōpula'i e kakaí, pea ke fai 'e he Pule'angá 'a hono fakapōpula'i e kakaí, ka e hao hifo ha ki'i sēniti ke laku he peleti foaki 'i Fale Lotú.
2) Hili ko ia 'oku 'ikai fiema'u 'e he 'Otua ke faka-pōpula'i e kakai kenau ō ki Hēvani. 'Oku mou fie pule ki he fafanga e he kakaí 'enau fānaú 'o kapau 'oku nau masiva. Ta'e 'ofa ki he kau masivá e?
3) 'Oku ma'ama'a ange 'a e fo'i mā 'i he kato manioké ki he kau masivá. Ta'ofi 'e fakatau me'akai he Sāpaté ka e fiekaia e fānau 'a e kau masivá. Pea nau ō ta'e kai ki he akó 'i he pongipongi Mōnité.
4) Talu mei he 1875 mo 'etau fe'ao mo e masiva mo e tauhi 'o e Sāpaté. Kuo 'omai e ngaahi tapuaki ketau 'inasi ai, ka 'oku 'ikai loto e kau Taki Lotú ketau ma'u e fakalakalaká ka e foaki ange ki he Siasí. 'Oku leleiange ki he kau Taki Lotú ketau nofo masiva pē ke hokohoko atu 'enau pule'i kitautolú.
5) 'Oku tau kei masiva eni he 'aho ni, he 'oku mamafa ange 'a e kato manioké ($10) 'i he fo'i mā ($1.20). Ko e founga eni ke toe masivaange ai 'a e kau masivá, he 'e 'ikai lavea ai 'a e kau tu'umālie ia.
6) Fēfē ke ta'ofi e tānaki pa'anga 'i Falelotú 'i he Sāpaté ka e ki'i fiekaia 'a e kau Taki Lotū 'o hangē ko e kau masivá? ”