“ Mo'oni 'aupito ho'o lau Saimone, ko ena 'oku teu ke fai mai e fu'u konifelenisi lahi ki Tonga ni 'i Sune fekau'aki moe NCD pea kuo taimi leva ke tau practice what we preach. Kuo ha leva e tama manioke moe fu'u 'umu he Sapate he ko ena kuo mahu e fonua. Koe lau mai 'e Kauli 'enau ta no he 'oku kau atu ha taha he'enau no, pea koe 'elito ia hono ta'ofi e pisinisi Sapate he ta ko 'enau feinga 'a nautoku ke totongi 'enau ngaahi no kae tautoi mai tokua koe demand 'ae kakai. Pea na'e sai pe fakatau ma ia kapau na koe fo'i ma pe ke ti e famili. Ka kuo toe kau atu ki ai moe fanga ki'i me'a kehekehe ia hange koe meat pie, keke, pani kilimi, coke, pata, hu'akau etc etc etc, 'ae fanga ki'i fakaneifua ia 'oku lava pe ke tuku mo lava ke fakatau he Tokonaki he kei 'ava 'ae falekoloa. Pea 'ikai ke nau lava 'o pule'i e kakai kae toki hange ha katoanga e longoa'a moe manganga holo 'ae kau kai ma tautefito ki he to'utupu. Pea toe ava atu moe ngaahi falekai siaina , moe ki'i fale kofi ko ena koe i-coffee koaa pe koe ha, koe ta e lotu ia kae ava mai e ki'i falekofi ia hange ha fakamatalili mo ha manuki mai ki he kakai 'oku tulituli ki he lotu. Poupou lahi atu ki hono ta'ofi e fakatau ma, he'ikai mate ha taha ia koe ta'ekai ma he Sapate. Koe kau fie ti ma Sapate, fakatau 'enau ma e efiafi Tokonaki 'o tuku he'enau kopate ki he Sapate. Koe lahi e suka moe ngaahi mahaki kehekehe koe 'ikai toe ha me'a melie fakatupu mahaki kehekehe hono fafanga'aki e fanau. Koe kei fakatau ma pe 'ae kakai koe kei ava mai 'ae falema. Ka tapuni e falema pea 'e takitaha ngaahi leva 'ene me'akai mo'ui lelei hono 'api. Tuku e ki'i 'uhinga fakapisinisi ia ko ena he koe kau pisinisi pe ia 'e tu'umalie ai, kae mahamahaki e kakai ia e fonua. ”