Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Fokotu'utu'u Pule'anga Ke Hiki Seniti 6 'Uhila ki he Kilouate Featured

Fokotu'utu'u Pule'anga Ke Hiki Seniti 6 'Uhila ki he Kilouate

Nuku'alofa, 31 'Aokosi 2015. 'Oku 'oatu 'i heni 'a e tatau 'o e tohi 'a William Clive Edwards ki he 'Eiki Palēmia fekau'aki mo e Palōmesi 'a e Paati 'Otu Motu Anga'ofa ke kimu'a 'i he Fili Fale Alea 2014 'e holoki peseti 15 'a e totongi 'o e 'uhila mo e vai kapau tenau hoko 'o Pule'anga. 'Oku 'ikai hoko 'eni ka 'oku fakahoko 'a e fokotu'utu'u ke hiki 'a e totongi 'o e 'uhila 'aki 'a e seniti 'e 6 ki he kilouate ke tanaki ha pa'anga ki he Sipoti 'a e Saute Pasifiki 2019.

28 ‘Aokosi, 2015

Samiuela ‘Akilisi Pohiva
‘Eiki Palēmia
‘Ofisi Palemia
Nuku’alofa

Tangata’eiki,

Fakatatau ki he’eku tukupā ‘i he tohi na’a ku fakahoko ki he feitu’u na ‘i he konga ki mui ‘o Ma’asi 2015 fekau’aki mo ‘eku tui ko hoku fatongia ke fakapapau’i ‘oku fakahoko lelei ‘e he Pule’anga hono fatongia ki he kakai mo e fonua, 'oku ou fakahoko atu ai 'a e tohi ni.

‘Oku ou faka’a’apa mo fakahoko atu ‘a e tohi ni mo fakahā ki he feitu’u na ‘i he ‘uhinga tatau ‘a ia ‘oku fekau’aki tonu ‘eni mo e mo’ui ‘a e kakai. ‘Oku kei mafana ‘a e manatu ‘a e fonua ki he tala’ofa ‘a e feitu’u na mo e Paati ‘Otu Motu Anga’ofa ko ho’omu ‘uluaki ngāue ia ka mou ka hoko ‘o Pule’anga ko hono holoki ‘a e totongi ‘o e ‘uhila mo e vai ‘aki ‘a e peseti ‘e 15. Ko e tukupā ko’eni na’e ‘ikai ‘asi mai ai ha founga pe koha fokotu’utu’u kemou fakahoko’aki ‘o hangē ko e palōmesi na’amou fakahoko ‘i he teuteu ‘o e fili Fale Alea ‘o e 2014.

Ko e māhina ‘eni ‘e 8 ho’omou hoko ‘o Pule’anga mo e ‘ikai hoko ‘eni. Ko e tukupā mahu’inga ‘eni he na’e ongo ki si’i kakai masiva mo e fonua makatu’unga he’enau mafasia ‘i he tu’unga totongi ‘o e ‘uhila mo e vai he koe taha ‘eni he ongo tefito’i fiema’u vivili ‘oku hilifaki kiai ‘enau mo’ui mo ’enau nofo.

‘I he taimi ‘o ‘Okatopa mo Nōvema 2014 na’e hoko ai ‘a e felauaki ko e mamafa ‘a e ‘uhila pea na’e hū tonu heni ho’omou palōmesi mo tukupā pea na’e si’i malele kiai ‘a e falala ‘a e kakai mo e fonua ‘a ia na’e kau lelei foki ‘eni ki ho’omou fili. Kuo mahino mai ‘oku ‘ikai hoko ‘eni pea na’e totonu foki ke fakahoko ‘eni ‘i he fokotu’utu’u patiseti mo e ‘esitimeti ‘o e ta’u ni 2015 ka na’e ‘ikai hoko.

‘Oku ho’ata mai he ‘aho ni ‘a ho’omou fokotu’u ke toe hilifaki mai ‘a e seniti ‘e 6 (levy) ki he kilouate kotoa ‘oku ngāue ‘aki ‘i ngaahi ’api nofo’anga, pisinisi, mo e ngaahi kautaha. ‘Oku mahino koe konga ‘eni ‘a e fokotu’utu’u ke tanaki ha pa’anga ki he Sipoti ‘a e Saute Pasifiki ‘oku ‘amanaki fakahoko ‘i he 2019.

‘Oku hā mahino mai mei heni ‘oku ‘ikai kemou muimui ki ho’omou palōmesi mo ho’o tukupā na’e fakahoko pea ‘oku ‘uhinga ai ‘a hoha’a ‘a e motu’a ni mo si’i kakai masiva ‘o e fonua. Ko e hiki ko’eni kapau ‘e hoko ko e kavenga mafasia ia ki si’i kakai masiva ‘o e fonua.

‘Oku ou ‘oatu ‘a e tohi ko’eni ko e fakamanatu kiate ko e he ko e ‘aho ni kuo kehe. ‘Oku ou kole heni ke angalelei pe mu’a ‘a e feitu’u na kae ‘omai ha’o tali ki he hoha’a ‘oku ‘oatu ‘i he kaveinga ko’eni.

Makatu’unga ‘i he mahu’inga ‘o e kaveinga ni ki he mo’ui ‘a e kakai mo e fonua ‘oku ou tui ta’e toe veiveiua ‘oku totonu ke tufa ‘a e tatau ‘o e tohi ni ki he Hou’eiki Mēmipa ‘o e Fale Alea mo e ngaahi Kautaha Mītia.

Faka’apa’apa Atu,


William Clive Edwards,

2 comments

  • Saimone
    Saimone Tuesday, 08 September 2015 01:44 Comment Link

    'Oku malie lahi 'e tohi ko'eni pea 'oku mo'oni 'a e ngaahi poini 'oku 'omai ai he na'a tau fanongo kotoa kiai mo 'ilo'i. 'Oku ou fakame'apango'ia he kakai 'oku 'ikai kenau sio lelei ki he poini kae 'ohofi 'a e sino 'o Clive. Ko e lautohi 'a e kakai maama 'oku nau sio pe ki he poini mo e 'uhinga pea 'oku 'ilonga pe 'a e kau kk hange koe fakahua 'a e kau Kava Tonga 'oku nau si'aki 'a e poini kae sio ki he sino 'o e tokotaha 'oku ne 'omai ha fakakaukau pea tapalasia. Ko hono ola ia 'o e ta'au 'o e tekinolosia he kuo "tee e leleva pea tee ai pe mo e pokumei".

    Report
  • Sifa
    Sifa Tuesday, 01 September 2015 16:23 Comment Link

    Ko e 'Eiki Palemia eni 'a e kakai kuo ne hiki tuu'i e kakai ke 'osi 'enau 'amanaki. Maalie kakai, faitotonu kiaii, tautamate kiaii, tutututu kiaiiii

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top