Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Fiema’u Ke Fokotu’u Leva Komisiona Tau’i Faihala: ‘Ikai Ha Nifo Komisoni Vā mo e Kakai Featured

'Eliesa Fififta 'Eliesa Fififta

Nuku’alofa, 23 Siulai 2015. Ko e taimi malie lahi ‘eni ‘i he fonua ‘o tautautefito ki he ngaahi me’a faka politikale.

‘Oku ‘i ai foki ‘a e hoha’a fekau’aki mo e ngaahi tukuaki’i ‘oku fakahoko ‘i he mītia fekau’aki mo e ngaahi faihala ‘a e kau taki ‘o e fonua pea kuo a’u ai ki he ngaahi launga kuo fakahoko atu ki he Komisiona ki he Vā mo e Kakai.

Ko e Komisoni Ki he Vā mo e Kakai kuo fuoloa mai hono fokutu’u ka ‘oku hā mahino mai ‘oku si’isi’i ke ho’ata mai ha ngaahi ngāue kuo nau fakahoko fekau’aki moe ngaahi launga kuo fakahoko ka ‘oku mahino mai pe foki ‘i he taimi tatau ‘oku ‘i ai ‘a e ngaahi ngatangata’anga honau mafai.

‘Oku mahino foki ‘oku fakahoko ‘a e ngāue he taimi ni ki hono fili ha Komisiona ki hono tau’i ‘o e faihala ‘e he Fakataha Tokoni ‘o fakatatau ki he Lao mo e Konisitūtone ‘o e fonua pea ‘oku ‘i ai ‘a e ‘amanaki lelei ‘a e fonua ke fai mo fokotu’u leva ‘a e lakanga ko’eni he ‘oku lahilahi ‘a e ngaahi launga ‘oku hoko ‘i he fonua fekau’aki moe ngaahi fakahoko fatongia ‘a e Pule’anga.

‘Oku pulusi atu heni ‘a e tali ‘a e Komisiona ki he Vā mo e Kakai (Commissioner of Public Relations) ‘Aisea Taumoepeau ki he hoha’a mo e launga na’e fakahoko ‘e ‘Eliesa Fififta ‘o Kolomotu’a ki he Komisoni ko’eni ‘a ia ‘oku hā mahino mei ai ‘a e ngatangata’anga ‘o e mafai ‘o e Komisoni ko’eni ‘a ia ‘oku hange ko e lea hua ‘a e kau papalangi ‘oku fiema’u ke ‘i ai hano nifo kae malava ke fakahoko lelei hono fatongia.

 

‘Oku ho’ata mai foki mei he tali kuo ‘omai mei he Komisoni ‘a hono tuhu’i ‘oku ‘uhinga ‘a e launga ‘a ‘Eliesa Fifita ‘i he makatu’unga faka politikale ‘a ia ‘oku hā nenefu ‘eni ‘i hono faka’uhinga pe koe hā hono maumau kapau ‘oku ‘uhinga faka politikale ha launga he ‘oku ‘uhinga ‘a e politikale ki he toka’anga moe fekau'aki ‘o e mafai mo e fa’unga pule ‘a ia ko e tupu'anga ia 'o e launga ko’eni.

'I he taimi tatau 'oku toe mahino pe mei he tali ko'eni 'a e fiema'u 'oku uesia fakafo'ituitui 'a e tokotaha launga 'i he 'uhinga 'oku fakahoko ai 'a e launga. 'Oku mahino lelei pe foki 'oku nofotaha 'a e fatongia 'o e Komisoni ko'eni ki he ngaahi me'a fakangāue (administrative matters) 'a ia 'oku fakangatangata pe moia.

Kaikehe ko e kaveinga ia koia ‘oku totonu ke toe fai ha vakai kiai ka ‘oku mahu’inga heni ‘a e mahino mai ‘a e si’i ngata’anga ‘o e mafai ‘o e Komisoni ki he Vā mo e Kakai mo ‘etau ‘amanaki lelei ki he teuteu ko’eni ke fili ha Komisiona ki hono tau’i ‘o e faihala. ‘Oku mahino foki mei he tali mei he Komisoni ‘oku lahi ange ‘a e mafai ‘o e lakanga fo’ou (Komisiona Tau’i e Faihala (Anti-Corruptions Commissioner) pea kaungatonu ‘ene ngāue ki he ngaahi launga natula tatau mo e launga ‘a ‘Eliesa Fifita.

‘Oku ‘oatu foki ‘a e tatau ‘o e tali ‘a e Komisoni Ki he Vā mo e Kakai ki he tohi ‘a ‘Eliesa ko e fakatātā ‘a e fiema’u ke mo’ui ‘a e tafa’aki ko’eni pea ko e taha ia ‘o e poutuliki ‘o e Temokalati pea na’e tukupā foki ‘a e Palēmia pehe ki he’ene Kapineti ke tau’i ‘a e faihala.'Oku hā pe foki 'i he tali ko'eni 'a e fakaikiiki fekau'aki mo e launga 'a Fifita mo e tali ki he'ene launga.

 

2 comments

  • Paula Tokamoekafa
    Paula Tokamoekafa Sunday, 26 July 2015 22:47 Comment Link

    'Oku malie lahi e si'i feinga 'a 'Eliesa pea 'ofa pe 'e vave hono fokotu'u e komisiona fo'ou.

    Report
  • Mark Hanson
    Mark Hanson Friday, 24 July 2015 10:08 Comment Link

    He toki 'ofisi fakamole pa'anga noa'ia hono totongi e kau ngaue kapau ko 'enau ngaue pe ena ko hono 'ave 'ete launga ki he 'Ateni Seniale !!! 'i he'eku tui vaivai 'oku 'ikai tonu ia ke uesia fakafo'ituitui kita pea toki tali 'ete launga hange koe tali ma'ulalo 'ae fu'u loea ko ena. Ko 'ete 'ilo pe ha faihala pea te launga'i he kapau 'oku 'ikai uesia ai kita, ka 'oku uesia ai e kakai kehe ia. Neongo 'ihe lau 'ae fu'u loea 'oku 'ikai uesia fakafo'ituitui ai 'a 'Eliesa, but as a Tongan subject 'oku uesia 'ene mo'ui he mole noa'ia 'ae ngaahi fu'u pa'anga koena, pea uesia hono loto mo 'ene fakakaukau he ngaue hala 'a Pohiva Tui'onetoa. Me'a ta'engali mo'oni koe ngaahi tali 'ae fu'u loea ko ena. Ngali sai ange 'emau toli kuava he kau ako lao mataotao 'oku fakapaipa holo ke mole noa'ia 'etau pa'anga hono totongi pea uesia fakafo'ituitui ai au mo 'Eliesa. Vakai'i atu na kuo expire e kau loea ko ena ka nau feinga a ki 'api he'enau kei lava 'o luelue.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top